Dainik Maval News : टाकवे बुद्रुक परिसरात पिसाळलेल्या एका कुत्र्याने (दि. २५) रात्रीच्या वेळी येथील नागरिकांवर हल्ला करीत तब्बल २२ लोकांना चावा घेतला. यामध्ये एक पाच वर्षाचे लहान मूलाला देखील चावा घेतला. जखमींना टाकवे बुद्रुक येथील एकविरा हॉस्पिटल, कान्हे फाटा उपजिल्हा रुग्णालय, वायसीएम रुग्णालय येथे उपचारासाठी दाखल करण्यात आले होते.
- मागील काही वर्षापासून शहरी भागातील कुत्री ही रात्रीच्या वेळी ग्रामीण भागामध्ये आणून सोडली जात आहे. या मोकाट कुत्र्यांनी उच्छाद मांडला असून ज्येष्ठ नागरिक सकाळ व संध्याकाळच्या सत्रात चालण्यासाठी जातात, त्यावेळी अंगावरती भुंकणे, चावा घेणे तसेच रस्त्याने दुचाकी ये – जा करत असताना त्यांच्या अंगावरती धावून जाणे किंवा दुचाकीचा पाठलाग करणे यामुळे देखील अनेक वेळा अपघात घडले आहेत.
येथील महिला – पुरुष, एक पाच वर्षाच्या मुलाला, एका व्यक्तीच्या कपाळाला अशा एकुण २२ जणांना चावा घेतला, तर एक बैल व घोडा यांना पण चावा घेतल्याची माहिती समोर आली आहे. त्यामुळे परिसरात भीतीचे वातावरण निर्माण झाले होते. या घटनेनंतर गावातील व्हाट्सअप ग्रुपच्या आधारे त्या पिसाळलेल्या कुत्र्याची माहिती घेऊन अखेर गावातील युवकांनी त्या पिसळलेल्या कुत्र्याला पडकले.
- प्रशासनाने मोकाट कुत्र्यावर आळा घातला पाहिजे. येथील कुत्र्यांची नसबंदी केली पाहिजेल. त्यामुळे मोकाट कुत्र्यांच्या संख्या वाढणार नाही. मोकाट कुत्र्यांचा बंदोबस्त करावा अशी मागणी गावातील नागरिकांनी ग्रुप ग्रामपंचायत प्रशासनाकडे केली आहे.
महानगरपालिका,नगरपंचायत यांच्या सारखी कमिटी ग्रामपंचायत स्तरावरती उपलब्ध नाही. या अशा अचानक उद्भवणाऱ्या घटना यावरती उपाय योजना म्हणून वडगाव मावळ पंचायत समिती पशुवैद्यकीय विभाग येथे पत्रव्यवहार करून रेस्क्यू टीमचा नंबर सर्वत्रिक करण्यात येईल व अशा घटना घडल्यास त्या टीमला पाचरण करण्यात येईल. मोकाट कुत्र्यांवरती नियंत्रण आणण्यासाठी पशुवैद्यकीय विभागाकडे पाठपुरावा करण्यात येईल अशी माहिती दिली आहे. – ग्रामविकास अधिकारी बाळासाहेब मतकर
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– शेतकऱ्यांच्या नुकसानीचे पंचनामे करा, चिखलमय रस्त्यांची डागडुजी करा ; राष्ट्रवादीचे तहसीलदारांना निवेदन । Maval News
– मोठी बातमी ! कृषी सहाय्यकांचा संप मिटला, सरकारकडून बहुतांश मागण्या मान्य, आजपासून पुन्हा कर्तव्यावर
– मावळ तालुक्यात कृषी प्रकल्प राबविण्यासाठी आमदार शेळकेंचा पुढाकार ; मंत्रालयातील बैठकीत मावळच्या प्रकल्पांसाठी विशेष मागणी
