वन्यजीव रक्षक मावळ संस्थेचे संस्थापक सदस्य निलेश संपतराव गराडे यांची प्राथमिक आरोग्य केंद्र तळेगाव दाभाडे येथील रुग्ण कल्याण समितीच्या स्वीकृत सदस्य पदावर नेमणूक करण्यात आली आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
महाराष्ट्र शासनाच्या वतीने तालुका आरोग्य अधिकारी यांनी निलेश गराडे यांना नियुक्तीचे पत्र दिले. निलेश गराडे हे मागील अनेक वर्षांपासून मावळ तालुका आणि परिसरात आपत्ती व्यवस्थापनात मोलाचे कार्य करत आहेत. तसेच, एक आपदा मित्र म्हणून अहोरात्र ते सेवा करत आहेत. ( Nilesh Garade Appointed Member of Patient Welfare Committee of Primary Health Center Talegaon Dabhade )
वन्यजीव रक्षण, पर्यावरण रक्षण आणि आपत्ती व्यवस्थापन (रेस्क्यू ऑपरेशन) क्षेत्रातील उल्लेखनीय योगदानाबद्दल काही दिवसांपूर्वीच निलेश गराडे यांना तळेगाव दाभाडे नगरपरिषद, इंद्रायणी महाविद्यालय तळेगाव दाभाडे यांच्या वतीने पुरस्कार प्रदान करून सन्मानित करण्यात आले होते. तसेच, त्यांच्या या स्तुत्य कार्याची जिल्ह्याबाहेर देखील दखल घेण्यात आली. मुरगूड (तालुका कागल, जि. कोल्हापूर) इथे छत्रपती संभाजी महाराज उत्सव समितीच्या वतीने उल्लेखनीय समाज कार्याबद्दल निलेश गराडे यांना धर्मवीर पुरस्कार 2023 प्रदान करण्यात आला.
अधिक वाचा –
– मावळात शिवसेना (उ.बा.ठा.) पक्षाच्या दोन नव्या शाखांचे आमदार सचिन आहिर यांच्या हस्ते उद्घाटन
– चिखलसे ग्रामपंचायतमधील विविध विकासकामांचे बाळा भेगडेंच्या हस्ते भूमिपूजन
