पौड पोलीस स्टेशन हद्दीत आज, सोमवार (दि. 8 जानेवारी) सकाळी 8.30 वाजता मौजे भुगाव हद्दीत हॉटेल सरोवराच्या समोरील मानस तलावामध्ये एक चारचाकीचा मागचा भाग तरंगताना दिसत असल्याची माहिती 112 हेल्पलाईन नंबर मिळाली. हि माहिती मिळताच मुळशी तहसीलदार रंजित भोसले यांच्या मार्गदर्शनाखाली पौड पोलिस स्टेशनचे पोलीस निरीक्षक मनोज यादव यांच्या नेतृत्वाखाली मुळशी आपत्ती व्यवस्थापन समिती संस्था प्रमोद बलकवडे, पोलिस नाईक सिध्दार्थ पाटील, टीमसह रवाना झाले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
त्यानंतर आपत्ती व्यवस्थापन टीमने सदर गाडी बाहेर ओढली असता, ती गाडी (क्रमांक MH 14 CY 0010) स्कोडा चार चाकी गाडी असल्याचे समजले. त्यावेळी गाडीत मागील सीटवर एक व्यक्ती मृतावस्थेत तरंगत असल्याचे दिसून आले. व्यक्तीच्या बॅगेची तपासणी केली असता त्याचे नाव आधार कार्डवर रामदास हरिचंद्र पवार (वय 40 वर्ष रा. आंबेगाव बु. पुणे) असल्याचे दिसून आले. मृत व्यक्तीची ओळख पटवून पुढील कार्यवाहीसाठी ग्रामीण रुग्णालयातील डॉ मिना इसवे आणि डॉ किरण राऊत यांच्याकडे पाठविण्यात आली आहे, अशी माहिती पोलिसांनी दिली. ( car was found along with dead body in Manas lake in Bhugaon Pune Crime )
अधिक वाचा –
– मावळच्या विकासासाठी ‘भारत विकास ग्रुप’ कंपनीची आमदार सुनिल शेळकेंना साथ; इंद्रायणी भात पीक वाढीसाठी करणार प्रयत्न
– महाराष्ट्र राज्य क्रिकेट संंघात निवड झाल्याबद्दल चैतन्य कोंडभर याचा बाळा भेगडे यांच्या हस्ते सन्मान । Chaitanya Kondbhar
– मोठी बातमी! 1256 वनरक्षकांच्या भरतीचा मार्ग मोकळा, पेसा क्षेत्रातील पदे वगळून होणार वनरक्षकांची भरती