मतदानाच्या दिवशी उमेदवारांना त्यांच्या वाहनावर पक्षाचा झेंडा अथवा पक्षाचे चिन्ह अथवा निवडणूक चिन्ह लावण्यास मनाई असते. असे असतानाही मावळ लोकसभा मतदारसंघातील महाविकास आघाडीचे उमेदवार संजोग वाघेरे हे त्यांच्या मोटारीवर ‘मशाल’ हे त्यांचे निवडणूक चिन्ह लावून फिरत असल्याचा दावा करत वाघेरे यांच्या विरोधात तक्रार करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
महायुतीचे उमेदवार श्रीरंग आप्पा बारणे यांच्या वतीने यासंदर्भात मावळ लोकसभेचे निवडणूक अधिकारी यांच्याकडे आचारसंहिता भंगाची तक्रार दाखल करण्यात आली आहे. महाविकास आघाडीचे उमेदवार संजोग वाघेरे हे मोटारीवर मशाल या निवडणूक चिन्हाचे स्टिकर लावून मतदारसंघातील विविध मतदान केंद्रांना भेटी देत असल्याचे तक्रारीत नमुद आहे. सोमवारी (दि.13 मे) मतदानाच्या दिवशी ही तक्रार करण्यात आली. ( Complaint against Maval Lok Sabha candidate Sanjog Waghere for violation of code of conduct )
उमेदवाराची ही कृती म्हणजे मतदारांना प्रभावित करण्याचा प्रयत्न असून निवडणूक आचारसंहितेचा उघड-उघड भंग आहे, असे निवडणूक निर्णय अधिकारी दीपक सिंगला यांच्या कार्यालयात देण्यात आलेल्या लेखी तक्रारीत म्हटले आहे. आता निवडणूक अधिकारी याविरोधात काय निर्णय घेतात, ते पाहावे लागेल.
अधिक वाचा –
– आदर्शवत ! थेट लंडनवरून येऊन तरुण मतदाराने मावळ लोकसभा मतदारसंघात केले मतदान । Maval Lok Sabha
– मावळ लोकसभा मतदारसंघात 52.90 टक्के तर मावळ विधानसभेत 53.02 टक्के मतदान, ‘या’ ठिकाणी झाले सर्वाधिक मतदान । Maval Lok Sabha
– कर्जतमध्ये फेरमतदान घ्या, श्रीरंग बारणे यांची मागणी, जाणून घ्या कारण