Dainik Maval News : दरवर्षी प्रमाणे यंदाही वडगाव शहरातील श्री पोटोबा महाराज प्रासादिक पायी दिंडीचे श्री क्षेत्र पंढरपूरकडे भक्तीमय वातावरणात प्रस्थान झाले. श्री पोटोबा महाराज दिंडीचे यंदाचे हे आठवे वर्ष आहे. जगद्गुरु संत श्री तुकाराम महाराज पालखी सोहळ्याचे प्रस्थान झाल्यानंतर ह्या दिंडीचे प्रस्थान झाले.
प्रथमतः शहरातील सर्वच मान्यवरांनी, वारकरी भाविक आणि महिला भगिनींनी विणापूजन केले. तदनंतर सर्वांच्या उपस्थितीत आरती करून ग्रामदैवत श्री पोटोबा महाराज मंदिरास प्रदक्षिणा घालण्यात आली. त्यानंतर टाळ-मृदंगाच्या गजरात, विठूनामाच्या जयघोषात, भगव्या पताका खांद्यावर घेतलेले वारकरी, मृदुंगमणी, टाळकरी, डोक्यावर तुळशी वृंदावन घेऊन सहभागी झालेल्या महिला अशा दिंडीचे बाजारपेठ मार्गावरून पंढरपूरकडे प्रस्थान झाले. यावेळी शहरातील जैन समाजाच्या वतीने पायी दिंडीवर फुलांची उधळण करण्यात आली.
आठ वर्षापूर्वी वडगाव शहर आणि कातवी, सांगवी, साते, मोहितेवाडी, जांभूळ, ब्राह्मणवाडी, विनोदेवाडी, वारंगवाडी या परिसरातील वारकऱ्यांच्या सोयीसाठी श्री पोटोबा महाराज प्रासादिक पायी दिंडी सुरू करण्यात आली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यात दहा दिवसांत विविध ठिकाणी ९ अजगर सापांना ‘वन्यजीव रक्षक मावळ’ व ‘शिवदुर्ग मित्र’च्या सर्पमित्रांकडून जीवदान । Maval
– राज्य सरकारने शब्द पाळला… आषाढी एकादशी वारीसाठी दिंड्यांना २.८ कोटींचे अनुदान देण्यास मान्यता । Ashadhi Vari 2025
– जन्मदात्याकडून अल्पवयीन लेकीवर लैंगिक अत्या’चार ! लोणावळा शहाराजवळील संतापजनक घटना । Maval Crime
