Dainik Maval News : तळेगाव दाभाडे येथील सहयोग फाउंडेशनच्या वतीने मावळ तालुक्यातील ग्रामीण भागातील माध्यमिक विद्यालयामधील विद्यार्थिनींना सॅनिटरी पॅडचे वाटप करण्यात आले.
करंजगाव येथील गोल्डन ग्लेड या माध्यमिक शाळेतील विद्यार्थिनींना गुरुवारी (दि.26) सॅनिटरी नॅपकीनचे वाटप करण्यात आले. यावेळी फाउंडेशनचे संस्थापक अध्यक्ष संदीप पानसरे, सल्लागार सोनबा गोपाळे, मुख्याध्यापक बी.बी. नवले, प्रगतशील शेतकरी प्रवीण शिंदे, महेश कुडले, अशोक वाडेकर उपस्थित होते. कार्यक्रमाची प्रास्तावना अशोक वाडेकर यांनी केली, तर आभार प्रदर्शन मुख्याध्यापक नवले यांनी केले.
त्यानंतर नाणे येथील प्राथमिक शाळेतील विद्यार्थिनींना सॅनिटरी पॅडचे वाटप करण्यात आले. यावेळी प्राथमिक शाळेच्या मुख्याध्यापिका संगीता गुजर, अनिता गावडे, विद्या धावर, मेघा जंगम, ज्योती माळी, मनीषा गाडे आदी शिक्षिका उपस्थित होत्या. पुणे जिल्हा मुख्याध्यापक संघाचे उपाध्यक्ष राजेश गायकवाड व मावळ तालुका मुख्याध्यापक संघाचे अध्यक्ष विठ्ठल माळशिकारे यांच्या मार्गदर्शनाखाली आणि सहयोग फाउंडेशनच्या वतीने हे वाटप करण्यात आले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
