Dainik Maval News : मावळ तालुक्यात जुलै महिन्यात एक संतापजनक घटना समोर आली होती. वराळे (ता. मावळ) येथे राहणाऱ्या एक महिलेचा गर्भपातादरम्यान मृत्यू झाल्यानंतर तिच्या प्रियकराने तिचा मृतदेह इंद्रायणी नदीपात्रात टाकत असताना रडणाऱ्या तिच्या दोन जिवंत मुलांनाही नदीत ढकलले होते. या घटनेनंतर तालुक्यात मृत मुलांबद्दल हळहळ व्यक्त करण्यात आली. तर महिलेसह तिच्या मुलांच्या मृत्यूस कारणीभूत ठरलेल्या आरोपींना कठोर शिक्षेची मागणी केली जात आहे. दरम्यान प्रकरणाची व्याप्ती आणि संवेदनशिलता लक्षात घेत पोलीस आयुक्त विनयकुमार चौबे यांनी विशेष तपास पथकाची (एसआयटी) स्थापना केली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
इंद्रायणीत ढकललेल्या तिघा मायलेकारांचे मृतदेह शोधणे, ही एसआयटीची प्राथमिकता असणार आहे. त्यासोबतच आरोपींना कठोर शासन करण्यासाठी हे एसआयटी काम करत आहे. समरीन निसार नेवरेकर (वय 25) आणि ईशांत (वय 5), इजान (वय 2) अशी शोधशोध सुरू असलेल्या माय लेकरांची नावे आहेत. तर याप्रकरणी पोलिसांनी गजेंद्र जगन्नाथ दगडखैर (वय 37, रा. समता कॉलनी, वराळे, मावळ), रविकांत भानुदास गायकवाड (वय 41, रा. डॉन बॉस्को कॉलनी, ईश्वरानंद सोसायटी, सावेडी, अहमदनगर), मध्यस्थी महिला उषा बुधवंत आणि गर्भपात करणारा डॉक्टर यांना अटक केली आहे. ( Maval Taluka Triple Murder Case Formation of SIT team for investigation )
ही घटना उघडकीस आल्यानंतर पोलिसांनी दोन आरोपींना सुरुवातीला अटक केली. तसेच तिघा मायलेकरांचा इंद्रायणी नदीत शोध सुरु केला. इंद्रायणी नदी पुढे भीमा नदीत मिसळून उजनी धरणाकडे जाते. पोलिसांनी तळेगाव येथून उजनी धरणापर्यंत नदीकाठच्या सर्व पोलीस ठाण्यांना मृतदेह शोधण्याबाबत माहिती दिली आहे. दरम्यान पोलिसांनी गर्भपात करणारा डॉक्टर आणि मध्यस्थी महिला या दोघांना देखील अटक केली आहे.
गुन्ह्याची व्याप्ती आणि गांभीर्य लक्षात घेत पोलीस आयुक्त विनयकुमार चौबे यांनी एसआयटी स्थापन केली. पोलीस उपायुक्त बापू बांगर हे या तपासावर पर्यवेक्षण करणार आहेत. तर देहूरोड विभागाचे सहायक पोलीस आयुक्त देविदास घेवारे यांच्या निगराणीखाली एसआयटी काम करणार आहे. तिघांचे मृतदेह शोधणे हे एसआयटी समोरील आव्हान असणार आहे.
विशेष तपास पथक (एसआयटी) –
सहायक पोलीस आयुक्त देविदास घेवारे (तपास पथक प्रमुख)
वरिष्ठ पोलीस निरीक्षक अंकुश बांगर (तपास अधिकारी)
वरिष्ठ पोलीस निरीक्षक प्रदीप रायन्नावार (तपास मदतनीस)
सहायक पोलीस निरीक्षक एस टी म्हस्के (तपास मदतनीस)
पोलीस हवालदार एस एम भवारी (तपास मदतनीस)
अधिक वाचा –
– जांबवली येथील श्री कोंडेश्वर महादेवाच्या शिवलिंगावर मुंबईतील शिवभक्ताकडून चांदीचा पत्रा अर्पण । Maval News
– मावळ तालुक्यातील ‘या’ दोन शाळांचा ‘लोकमान्य टिळक आदर्श शाळा’ पुरस्कार देऊन गौरव । Maval News
– अखेर 22 वर्षांच्या लढ्याला यश ! शेलारवाडी आणि तळेगाव येथील डीआरडीओ संपादित जमिनींना वाढीव मोबदला देण्याचे निर्देश
