Dainik Maval News : नूतन महाराष्ट्र विद्या प्रसारक मंडळ संस्थेच्या वतीने माध्यमिक स्तरावर घेतली जाणारी समर्थ शलाका शिष्यवृत्ती परीक्षा येत्या गुरुवारी (दि.19 डिसेंबर) घेण्यात येणार आहे. मावळ तालुक्यातील संस्थेच्या विविध शाळांमधील सुमारे 1 हजार 400 विद्यार्थी या परिक्षेत सहभागी होणार आहेत.
संस्थेच्या सात प्राथमिक आणि माध्यमिक शाळांमधील इयत्ता 4थी, इयत्ता 7वी, इयत्ता 9वी, इयत्ता 11वी मधील विद्यार्थी या स्पर्धा परीक्षेसाठी सहभागी होत आहे. एमपीएससी व यूपीएससी सारख्या स्पर्धा परीक्षांची ओळख व जाणीव विद्यार्थ्यांना व्हावी, त्याप्रमाणे त्यांनी भविष्याची स्वप्ने पाहावीत म्हणून या परीक्षेचे आयोजन करण्यात आल्याचे सचिव संतोष खांडगे यांनी सांगितले.
या परीक्षेमुळे विद्यार्थी शासकीय अधिकारी होण्याची अपेक्षा आणि त्याची तयारी भविष्यात करतील, असे परीक्षेचे स्वरुप असल्याचे सह प्रकल्प प्रमुख सोनबा गोपाळे यांनी यावेळी सांगितले. संस्थेचे अध्यक्ष बाळा भेगडे, उपाध्यक्ष गणेश खांडगे, सचिव संतोष खांडगे, खजिनदार राजेश म्हस्के, सहसचिव नंदकुमार शेलार तसेच संचालक दामोदर शिंदे, महेश भाई शहा, सोनबा गोपाळे, यादवेंद्र खळदे, विनायक अभ्यंकर यांनी विद्यार्थ्यांना शुभेच्छा दिल्या आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– संविधान प्रतिकृतीची विटंबना करणाऱ्यावर कठोर कारवाई व्हावी ; आरपीआयचे तहसीलदार, पोलीस निरीक्षक यांना निवेदन
– परभणी घटनेच्या निषेधार्थ पवनानगर बंद ! आरोपीला कठोर शासन करण्याची मागणी । Pavananagar
– बनावट घड्याळ विक्री प्रकरणी दुकानदारावर गुन्हा दाखल, देहूरोड येथील घटना । Maval Crime
