टाकवे बुद्रुक येथे नवरात्रोत्सव निमित्त होम मिनिस्टर स्पर्धेचे उत्साहात आयोजन

Dainik Maval News : रविंद्र आप्पा भेगडे युवा मंच यांच्या वतीने शारदीय नवरात्रोत्सव निमित्ताने जिल्हा परिषद शाळा प्रांगण, टाकवे बु. येथे होम मिनिस्टर स्पर्धेचे आयोजन करण्यात आले होते. भाजप मावळ विधानसभा निवडणूक प्रमुख रविंद्र आप्पा भेगडे यांच्या सौभाग्यवती डॉ. उज्ज्वला भेगडे यांची प्रमुख उपस्थितीत या कार्यक्रमास होती. महिलांनी यावेळी डॉ. उज्वला रविंद्र भेगडे यांचे जल्लोषपूर्ण स्वागत केले.

मनोरंजक खेळ ,गप्पा आणि उखाणे असे या स्पर्धेचे स्वरूप होते. निवेदक अक्षय मोरे यांच्या माध्यमातून या स्पर्धेचे सादरीकरण केले गेले. या स्पर्धेसाठी प्रथम क्रमांक फ्रीज आणि पैठणी , द्वितीय एलएडी टीव्ही आणि पैठणी , तृतीय कुलर आणि पैठणी , चतुर्थ क्रमांक ओव्हन मशीन आणि पैठणी आणि पाचव्या क्रमांकासाठी गॅस शेगडी आणि पैठणी अशी बक्षिसे निर्धारित करण्यात आली होती. तर , स्पर्धेसाठी उपस्थित महिला वर्गासाठी , लकी ड्रॉ पद्धतीने , प्रथम क्रमांक वॉशिंग मशीन आणि पैठणी , द्वितीय क्रमांक मिक्सर आणि पैठणी , तृतीय क्रमांक कुकर आणि पैठणी , चतुर्थ क्रमांक डीनर सेट आणि पैठणी अशी बक्षिसे निर्धारित करण्यात आली होती.

या स्पर्धेत , प्रथम बक्षीस – निकिता अक्षय आसवले , द्वितीय – मंदा नगरकर , तृतीय – भारती कोंडे , चतुर्थ क्रमांक – किरण खरमारे तर , पाचवा क्रमांक – पूजा गायकवाड लकी ड्रॉ स्पर्धेत , अनिता जगताप – पहिले बक्षीस ,सुरेखा अंकुश आसवले -दुसरे बक्षीस , करुणा भीमप्रसाद शर्मा- तिसरा क्रमांक , सेजल किरण गायकवाड – चौथा क्रमांक या महिलांनी बक्षिसे पटकावली.

याप्रसंगी , मनोगत व्यक्त करताना डॉ.उज्वला भेगडे म्हणाल्या की , “ग्रामीण भागातील महिलांना चूल , मूल आणि शेतीची कामे यांतून आनंदाचे चार क्षण मिळावे या उद्देशाने आम्ही या कार्यक्रमाचे आयोजन केले आहे. जिंकलेल्या सर्व महिला-भगिनींचे हार्दिक अभिनंदन. आपले आशीर्वाद आणि पाठिंबा सदैव ” रविंद्र आप्पा भेगडे ” यांच्या पाठीशी राहुद्या अशी साद त्यांनी महिला भगिनींना घातली.

( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– विश्वहिंदू परिषद आणि बजरंग दल यांच्या माध्यमातून मावळ तालुक्यातील 40 गावांमध्ये दुर्गामाता दौड । Maval News
– शिरगाव येथे अवैध दारूअड्ड्यावर कारवाई, महिला आरोपीवर गुन्हा दाखल । Maval Crime
– वंदन दुर्गांना । पतीच्या निधनानं ती कोसळली, मात्र संगीताने जगण्याचं बळ दिलं ; गायन हाच श्वास समजून आयुष्य जगणाऱ्या मंजुश्रीताई