दरवर्षीप्रमाणे प्रजासत्ताक दिनाच्या पुर्वसंध्येला केंद्र सरकारने पद्म पुरस्कार विजेत्यांच्या नावांची घोषणा केली आहे. गृह मंत्रालयाने एक प्रसिद्धीपत्रक काढून पुरस्कारांची माहिती माध्यमांना दिली. यंदा पद्म पुरस्कारांमध्ये एकूण 106 जणांचा समावेश आहे. यामध्ये 6 जणांना पद्मविभूषण, 9 जणांना पद्मभूषण तर 91 जणांना पद्मश्री पुरस्कार जाहीर झाला आहे. महाराष्ट्रातील 12 मान्यवरांची नावे यात आहेत. ( Padma Awards 2023 Announced 12 People From Maharashtra Named In List Including Zakir Hussain Suman Kalyanpur Rakesh Jhunjhunwala )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
महाराष्ट्रातील रहिवासी असलेले 12 पद्म पुरस्कार विजेते मान्यवर
तबला वादक झाकीर हुसैन यांना कला विभागातील कामासाठी पद्मविभूषण पुरस्कार देण्यात येणार आहे. पद्मभूषण पुरस्कारांपैकी 3 जण महाराष्ट्रातील असून कुमार मंगलम बिर्ला यांना व्यापार आणि उद्योग क्षेत्रासाठी, दीपक धर यांना विज्ञान आणि इंजिनिअरिंग क्षेत्रासाठी तर गायिका सुमन कल्याणपूर यांना कला क्षेत्रातील योगदानासाठी पद्मभूषण पुरस्कार देण्यात येईल.
पद्मश्री पुरस्कार मिळालेल्या व्यक्तींमध्ये महाराष्ट्रातील 8 नावे आहेत. भिकू रामजी इदाते (समाजकार्य), राकेश राधेश्याम झुनझुनवाला (मरणोत्तर) (व्यापार आणि उद्योग), परशुराम कोमाजी खुने (कला), प्रभाकर भानुदास मांडे (साहित्य आणि शिक्षण), गजानन जगन्नाथ माने (समाज कार्य), रमेश पतंगे (साहित्य आणि शिक्षण), रवीना टंडन (कला), कूमी नरिमन वाडिया (कला) हे पद्मश्रीचे मानकरी आहेत.
विविध क्षेत्रांत अतुलनीय कार्य करणाऱ्या मान्यवरांच्या मांदियाळीत महाराष्ट्र नेहमीच अग्रेसर असतो.
तबलानवाझ उस्ताद झाकीर हुसैन यांना पद्मविभूषण, उद्योगपती कुमारमंगलम बिर्ला, श्रेष्ठ गायिका सुमन कल्याणपूर, आंतरराष्ट्रीय ख्यातीचे ज्ञानवंत प्रा. दीपक धर यांना पद्मभूषण तसेच
— Eknath Shinde – एकनाथ शिंदे (@mieknathshinde) January 25, 2023
पद्म पुरस्काराबद्दल…
पद्म पुरस्कार हे तीन प्रकारचे असतात. पद्मश्री, पद्मभूषण आणि पद्मविभूषण. भारतात भारतरत्न हा सर्वोच्च नागरी सन्मान आहे आणि पद्म पुरस्कार हे सरकारतर्फे दिले जाणारे नागरी सन्मान आहेत. पद्म विभूषण पुरस्कार हा भारतरत्नच्या नंतरचा दुसऱ्या क्रमांकाचा सर्वोच्च सन्मान मानला जातो. ( Padma Awards 2023 Announced 12 People From Maharashtra Named In List Including Zakir Hussain Suman Kalyanpur Rakesh Jhunjhunwala )
अधिक वाचा –
– महाविकास आघाडीकडून सर्व जागांवर अधिकृत उमेदवार जाहीर; पत्रक प्रसिद्ध करत राष्ट्रवादी काँग्रेस पक्षाचे खास आवाहन
– ‘तिरंग्यासाठी हजारोंचे बलिदान, तो पायदळी जाऊ नये’, राष्ट्रध्वजाचा अवमान रोखण्यासाठी भारत फ्लॅग फाऊंडेशनची विशेष मोहीम
