Dainik Maval News : पिंपरी-चिंचवड पोलीस आयुक्तालयाच्या कार्यक्षेत्रातील पोलीस ठाण्यांच्या हद्दीमध्ये अवैध सावकारीची काही प्रकरणे निदर्शनास येत आहेत. यामुळे अशा गुन्हेगारांच्या कृत्यांना आळा घालण्यासाठी पोलीस आयुक्त विनय कुमार चौबे यांनी तात्काळ कडक कारवाई करण्याचे आदेश जारी केले आहेत.
महाराष्ट्र शासनाने अवैध सावकारी गुन्हेगारीच्या संकटाला आळा घालण्यासाठी, त्यांच्या गुन्हेगारी कृत्यांना प्रतिबंध करण्यासाठी व त्यावर नियंत्रण ठेवण्यासाठी, अधिक कडक आणि जरब बसविणाऱ्या तरतुदी असणारा विशेष कायदा महाराष्ट्र सावकारी (नियमन) अधिनियम 2014 हा अंमलात आणला आहे.
- अवैध सावकारीच्या अनुषंगाने नागरिकांनी तक्रारी देण्यासाठी पुढे यावे म्हणुन जनजागृती मोहीम राबविणेबाबत, तसेच नागरिकांकडुन भरमसाठ व्याजाने पैसे उकळणारे, नागरिकांचा याबाबत छळ करणारे, धमक्या देणाऱ्या सावकारांविरुद्ध तात्काळ कठोर कार्यवाही करण्याचे आदेश सर्व पोलीस ठाणे प्रभारी अधिकारी यांना पोलीस आयुक्तांनी दिले आहेत.
तसेच, पिंपरी चिंचवड पोलीस आयुक्तालय हद्दीतील नागरिकांना आवाहन केले आहे की, अवैध सावकारी किंवा भरमसाठ व्याज आकारणी करुन कोणी फसवणुक करत असेल तसेच तद्अनुषंगाने तक्रारदारास धमक्या किंवा छळाचा धोका असल्यास संबंधितांनी तात्काळ पोलिसांशी संपर्क साधावा.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तुमच्या जिल्ह्याचे पालकमंत्री कोण? पाहा संपूर्ण यादी – महाराष्ट्रातील सर्व जिल्ह्यांचे पालकमंत्री
– ‘एमएसआयडीसी’कडून तळेगाव-चाकण-शिक्रापूर महामार्गाच्या कामाचा मसुदा सादर, आता निर्णय मुख्यमंत्र्यांच्या कोर्टात
– मावळच्या विकासासाठी कटिबद्ध, जास्तीत जास्त निधी उपलब्ध करून देणार – खासदार श्रीरंग बारणे
