Dainik Maval News : पवनानगर परिसरात ३१ डिसेंबर २०२४ आणि नववर्षाभिनंदनाकरीता येणाऱ्या पर्यटकांच्या वाहनांमुळे होणारी वाहतूक कोंडी होऊ नये तसेच कायदा व सुव्यवस्था अबाधित राहावी म्हणून दिनांक ३० डिसेंबर २०२४ रोजी मध्यरात्रीपासून ते ३१ डिसेंबर २०२४ च्या मध्यरात्रीपर्यंत वाहतुकीत बदल करण्याचे आदेश जिल्हाधिकारी डॉ. सुहास दिवसे यांनी जारी केले आहेत.
पुणे-मुंबई-कामशेत बाजूकडून पवनानगर बाजारपेठेकडे येणारी हलकी चारचाकी वाहने बंद करुन ती येळसे ग्रामपंचायत फाटा येथून डावीकडे शिवली (विजय आडकर यांच्या घरापासून उजवीकडे कोथुर्णे बाजुकडे) कोथुर्णे-मळवंडी फाट्यापासून उजवीकडे ब्राम्हणोलीकडे, वारु फाट्यावरुन पुढे सरळ, ब्राम्हणोली फाटा मार्गे जवण रोडवरुन फांगणे, ठाकुरसाई, खडक गेव्हंडे, जवण, चावसर, मोरवे, तुंग अशी वळविण्यात आली आहे. परंतु पवनानगर, कालेगाव, आंबेगाव, शिंदगाव, पाले, घामणधरा, दुधीवरे बाजुस जाणारी वाहने व जड, अवजड वाहने यांना सोडण्यात येणार आहे.
येळसे ग्रामपंचायत फाटा येधून डावीकडे-शिवली (विजय आडकर यांच्या घरापासून उजवीकडे कोथुर्णे बाजूकडे) कोथुर्णे गाव येथून डावीकडे- कोथुर्णे, मळवंडी फाट्यापासून उजवीकडे ब्राम्हणोलीकडे-वारु फाट्यावरुन पुढे सरळ ब्राम्हणोली एकेरी वाहतूक करण्यात येणार आहे.
ब्राम्हणोली, वारु, कोथुर्णे, शिवली येथील स्थनिक रहिवाशी यांना येळसे बाजूकडे येण्यास बंदी करण्यात येणार असून वारु फाटा-ब्राम्हणोली फाटा-पवना नदी पुल कालेगाव फाटा-पवना बाजारपेठ मार्गे येळसे कामशेत या पर्यायी मार्गाने वळविण्यात येत आहेत.
पवनानगर बाजारपेठेत अवजड वाहनांना बंदी
३० डिसेंबर २०२४ ते १ जानेवारी २०२५ रोजी या कालावधीत पवनानगर बाजारात वाहतूक कोंडी होऊ नये म्हणून जड-अवजड वाहतूक ही पवनानगर बाजारपेठ येथे जाण्यास बंदी करण्यात येत आहे. त्याऐवजी जुणे विश्रामगृह पवनानगर मार्गे केदारी खानावळ चौकातून सरळ पुढे सात नंबर कॉलनी-पत्राचाळ सचिवालय ग्रामपंचायत इमारत अशी बाह्य वळणमार्गे वळविण्यात येत आहे. पंरतु, ब्राम्हणोली, कालेगाव, दुधीवरे बाजूकडून येणारी जड-अवजड वाहतूक पवनानगर बाजारातून येळसे बाजूस सोडण्यात येइल.
दिनांक १ जानेवारी २०२५ रोजी मध्यरात्री बारापासून ते मध्यरात्री बारापर्यंत या कालावधीत तुंग, मोरवे, चावसर, जवण, खडक गेव्हंडे, ठाकूरसाई, फांगणे बाजूकडून पवनानगर, कामशेत बाजूकडे जाणारी वाहने ही काले कॉलनी पवनानगर बाजूकडे जाणेस बंदी आहे. त्याऐवजी ब्राम्हणोली फाटा उजवीकडे-वारु फाटा सरळ मळवंडी, कोथुर्णे फाट्यावरुन डावीकडे कोथुर्णेगाव उजवीकडे-शिवली (विजय आडकर यांच्या घरापासून डावीकडे येळसे बाजूकडे) येळसे ग्रामपंचायत फाटामार्गे मुंबई, पुणे, कामशेतकडे वळविण्यात येइल. पंरतु, पवनानगर, कालेगाव, आंबेगाव, शिंदगाव, दुधीवरे बाजूस जाणारी वाहने तसेच जड-अवजड वाहने यांना सोडण्यात येईल.
दिनांक १ जानेवारी २०२५ रोजी मध्यरात्रीपासून ते मध्यरात्रीपर्यंत या कालावधीत ब्राम्हणोली फाटा उजवीकडे वारु फाटा सरळ-मळवंडी, कोथुर्णे फाट्यावरुन डावीकडे कोथुर्णे गाव उजवीकडे-शिवली (विजय आडकर यांच्या घरापासून डावीकडे येळसे बाजूकडे) येळसे ग्रामपंचायत फाटा अशी एकेरी वाहतूक करण्यात येणार आहे.
तसेच वारु व ब्राम्हणोली येथील स्थानिक रहिवाशी यांना पवना नदी पूल-कालेफाटा-पवना बाजारपेठ असे येण्यास बंदी करण्यात येत असून वारु फाटा-मळवंडी, कोथुर्णे फाट्यावरुन डावीकडे- कोथुर्णे गावातून पवनानगर बाजारपेठ या पर्यायी मार्गाने वळविण्यात येणार आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– सलग सुट्ट्यांमुळे द्रुतगती मार्गावर अवजड वाहनांच्या वाहतूक मार्गात बदल ; दुपारी बारानंतर प्रवास करावा…
– मावळात होणार हरिनामाचा गजर ! कामशेत येथे एक जानेवारीपासून भव्य ‘कीर्तन महोत्सव’ – पाहा वेळापत्रक
– महाराष्ट्रात शुक्रवार – शनिवार दोन दिवस गारपीट आणि मेघगर्जनेसह मुसळधार पावसाचा अंदाज ; सोमवारपासून थंडी वाढणार
