Dainik Maval News : वडगाव नगरपंचायतीच्या माध्यमातून स्वच्छ सर्वेक्षण २०२४ व माझी वसुंधरा ५.० अंतर्गत शहरातील आठवडी बाजारात एकल वापर प्लॅस्टिक बंदीबाबत जनजागृती करण्यात आली. तसेच बाजारातील भाजीपाला, फळ विक्रेते यांच्याकडूल प्लॅस्टीक जप्त करून कारवाई करण्यात आली. तसेच आठवडी बाजारातील विक्रेत्यांमध्ये प्लॅस्टिक बंदीबाबत मार्गदर्शन करण्यात आले.
केंद्रशासनाच्या पर्यावरण वन व हवामान परिवर्तन मंत्रालयाच्या सूचनेनुसार सिंगल युज प्लॅस्टिक अर्थात एकल वापर प्लॅस्टिक वस्तूंना प्रतिबंधित करण्याकरिता ३० सप्टेंबर २०२१ पासून ७५ मायक्रॉन पेक्षा कमी जाडीच्या आणि ३१ डिसेंबर २०२२ पासून १२० मायक्रॉन पेक्षा कमी जाडीच्या प्लॅस्टिक बॅगवर संपूर्णपणे बंदी घालण्यात आली आहे. विक्रेत्यांनी प्लॅस्टिक, थर्मोकोल अविघटनशील वस्तूंचे उत्पादन, वापर, विक्री हाताळणी करु नये, असे आवाहन नगरपंचायत प्रशासनाकडून करण्यात आले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– विद्यार्थ्यांची पायपीट थांबणार ! कुरवंडे येथील 42 शालेय विद्यार्थ्यांना सायकल वाटप । Maval News
– अज्ञात वाहनाच्या धडकेत बिबट्याचा मृत्यू, पिंपळोली गावच्या हद्दीतील घटना । Maval News
– भारतरत्न डॉ. बाबासाहेब आंबेडकर स्वाधार योजनेसाठी ३१ डिसेंबरपर्यंत अर्ज करण्याचे आवाहन
– कुसवलीतील सहारा वृद्धाश्रमात रंगली अनुभवाच्या कवितांची व मुक्त संवादाची मैफल । Maval News
