Dainik Maval News : पुणे ( Pune ) आणि पिंपरी-चिंचवड ( Pimri Chinchwad ) शहरातील वाहतूक कोंडी सोडविण्यासाठी पुणे रिंग रोड ( Pune Ring Road) हा महत्वाकांक्षी प्रकल्प आकारास येत आहे. झपाट्याने वाढणारी ही शहरे वाहतूक कोंडीच्या गर्तेतून बाहेर पडावी यासाठी रिंगरोड (Ringroad) विकासाला राज्य सरकार गती देत आहे. अशात वाहतूक कोंडीच्या समस्येवर कायमस्वरूपी उपाय म्हणून रिंग रोड प्रकल्पासह समांतर लोहमार्गाची आवश्यकता असल्याचे मत उपमुख्यमंत्री अजित पवार ( DCM Ajit Pawar ) यांनी व्यक्त केले आहे.
पुणे आणि पिंपरी-चिंचवड मधील वाहतूक कोंडी कमी करण्यासाठी रिंग रोड आणि लोहमार्गाचे बांधकाम लवकरच सुरू होणार आहे, अशी माहिती उपमुख्यमंत्री अजित पवार यांनी दिली आहे. रिंग रोड प्रकल्पाची निविदा प्रक्रिया सुरू झाली असून त्याला समांतर लोहमार्ग ( Railway Ring Road Project ) बांधण्याची गरज अजित पवार यांनी बोलून दाखविली आहे.
वाहतूक कोंडी दूर करण्यासाठी लोहमार्गाची गरज
प्रस्तावित लोहमार्ग तळेगाव दाभाडे ते चाकण, रांजणगाव मार्गे उरुळी कांचनपर्यंत विकसित करण्याचा विचार रेल्वे प्रशासन करत आहे. हा मार्ग पुणे रेल्वे स्थानकावरील ताण कमी करेल, तसेच प्रवासी आणि मालवाहतुकीला गती देईल, असा विश्वास उपमुख्यमंत्री अजित पवार यांनी व्यक्त केला आहे.
पुणे रिंग रोड प्रकल्प ( Pune Ring Road Project )
पूर्व आणि पश्चिम भागात विभागलेला पुणे रिंग रोड प्रकल्प १३६.८ किमी लांबीचा आहे. हा रिंग रोड खेड, मुळशी, मावळ आणि हवेली तालुक्यांमधील ४४ गावांना जोडणार आहे. यामुळे बाह्य वाहनांना शहरात प्रवेश न करताच बाहेरून प्रवास करता येईल.
लोहमार्गामुळे होणार फायदा ( Pune Railway Ring Road Project )
रिंग रोड आणि लोहमार्गामुळे पुणे, पिंपरी-चिंचवड शहराची वाहतूक व्यवस्था सुधारेल, प्रदूषण कमी होईल आणि प्रवासाचा वेळ वाचेल. या दोन्ही प्रकल्पांमुळे नागरिकांचा प्रवास सुखकर होणार असून प्रवाशांना मोठा फायदा होणार आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यातील सांगवडे, गहुंजे या दोन गावांसह ‘ही’ सात गावे पिंपरी-चिंचवड महापालिकेत घेण्याची मागणी
– तिसरी भाषा शिकण्याची सक्ती नाही; मराठी भाषा अनिवार्य, तर हिंदीसह इतर भाषा ऐच्छिक – शालेय शिक्षण मंत्री दादाजी भुसे यांची माहिती
– राज्यातील वीज ग्राहकांसाठी आनंदाची बातमी! वीजेच्या दरात होणार मोठी कपात ; मुख्यमंत्र्यांनी दिली माहिती
– Lonavala : गर्दीचा फायदा घेत दुकानदारांची फसवणूक, लोणावळ्यात खोट्या यूपीआय पेमेंटचा पर्दाफाश, पोलिसांचे आवाहन…
