लोणावळा येथील शिवदुर्ग मित्र संस्थेला एका वेगळ्या उंचीवर नेणारे शिवदुर्ग मित्र संस्थेचे सचिव सुनिल विष्णू गायकवाड तथा सुनिलभाऊ यांची नुकतीच उच्च न्यायालय मुंबई आणि महाराष्ट्र शासन यांच्या कडून ‘मानद प्राणी कल्याण अधिकारी’ म्हणून नेमणूक करण्यात आली आहे. शिवदुर्ग मित्र संस्थेच्या माध्यमातून सुनिल गायकवाड हे मागील अनेक वर्षांपासून निसर्गमित्र म्हणून काम करत आहेत, त्यांच्या कार्याची दखल घेत त्यांना हे पद देण्यात आले आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
‘जनसेवा हीच ईश्वर सेवा आणि राष्ट्रसेवा’ हे ब्रीद घेऊन सुनिल गायकवाड हे मागील दोन तप अर्थात 24 वर्षांपासून अविरत कार्य करत आहेत. दिवस असो वा रात्र, उन-वारा-पाऊस यांची तमा न बाळगता प्राणिमात्रांच्या जीवरक्षणासाठी ते काम करत आहेत. ( Shivdurg Mitra Lonavla Sunil Gaikwad appointed as Honorary Animal Welfare Officer by Govt of Maharashtra )
शिवदुर्ग ॲनिमल रेस्क्यू या संस्थेच्या माध्यमातून प्राण्यांवर उपचार करणे असो किंवा कत्तली साठी तस्करी केले जाणारे गो वंश वाचवण्याचे काम असो, आपल्या सहकाऱ्यांसह सुनिल गायकवाड हे काम सतत करत आहेत. आजवर त्यांच्या कार्याचा गौरव म्हणून त्यांने अनेक पुरस्कार मिळाले आहेत. परंतू आता थेट न्यायदेवता आणि महाराष्ट्र शासन यांनी त्यांच्या कार्याची दखल घेत त्यांना हे जबाबदारीचे पद दिले आहे.
अधिक वाचा –
– जय शिवराय..! गुढीपाडव्याच्या शुभमुहूर्तावर भाजे गावात छत्रपती शिवाजी महाराज यांच्या भव्य अश्वारूढ पुतळ्याचे अनावरण होणार
– शरीराला थंडावा मिळावा म्हणून विहिरीत उडी घेतली पण आत्माच थंड झाला; टाकवे येथील दुर्दैवी घटना । Maval Accident News
– महत्वाची बातमी! कान्हे रेल्वे गेट दोन दिवस बंद राहणार, रेल्वे विभागाची माहिती, नागरिकांनी सहकार्य करण्याचे आवाहन
