“नागरिकांचे प्रचंड हाल होतायेत, ‘तो’ रस्ता लवकर सुरु करा”, वडगाव शहर भाजपाची आग्रही मागणी

वडगाव शहरामधील केशवनगर, सांगवी या ठिकाणांना जोडणाऱ्या भुयारी रेल्वे मार्गाचे काम लवकरात लवकर करावे, यासाठी वडगाव शहर भाजपाच्या वतीने मध्य रेल्वे , पुणे यांना निवेदन देण्यात आले आहे. ( Vadgaon Maval City BJP Letter To Central Railway Authorities To Start Subway Route Of Vadgaon Keshavnagar )

सदर ठिकाणी पुणे-लोणावळा रेल्वे मार्गावर रेल्वेची वाहतूक मोठ्या प्रमाणावर होत असते. त्यामुळे या ठिकाणी असणारे रेल्वे गेट हे सहसा अधिक कालावधीसाठी बंदच असते. त्यामुळे या भागातील नागरिकांना ये-जा करताना मोठी समस्या निर्माण होते. जेष्ठ नागरिक, विद्यार्थी, कामगार वर्ग, बाजाररहाट करणारे नागरिक, महिला वर्ग या सर्वांची मोठी अडचण होते आणि वेळेचा नाहक खोळंबा होतो.

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

“एखादा रुग्ण आजारी असल्यावर त्याला दवाखान्यात घेऊन जाणाऱ्या रुग्णवाहिकेला देखील सदर गेट उघडण्याची वाट पाहत बसावी लागते. त्यामुळे त्याच्या जीवितास धोका निर्माण होण्याची शक्यता असते. तसेच गेट बंद असल्यावर दोन्ही बाजूला मोठ्या प्रमाणात वाहनांच्या रांगा लागत आहेत. त्यामुळे या सर्व बाबींचा विचार करून अपूर्ण राहिलेल्या रेल्वे भूयारी मार्गाचे काम त्वरित पूर्ण करून वडगांव मधील केशवनगर आणि सांगवीला राहणाऱ्या नागरिकांची दळणवळणाची होणारी गैरसोय त्वरित दूर करण्यात यावी’, अशा मागणीचे निवेदन वडगाव भाजपाच्या वतीने मध्य रेल्वेचे डी.आर.एम. इंदुजी दुबे यांना देण्यात आले आहे.

सदर निवदेन देताना शहराध्यक्ष अनंता कुडे, मा सभापती गुलाबराव म्हाळसकर, वडगाव भाजपाचे संघटन मंत्री किरण भिलारे, मा सरपंच संभाजी म्हाळसकर, नगरसेवक किरण म्हाळसकर, ऍड विजयराव जाधव, रविंद्र म्हाळसकर, सांगवीचे मा उपसरपंच काशिनाथ तोडकर, शरद मोरे, हरिष दानवे आदीजन उपस्थित होते.

अधिक वाचा –

– ‘गाव तिथे शाखा‌ – घर तिथे शिवसैनिक’, मावळमध्ये शिवसेना ठाकरे गटाचा शिवसंपर्क गाव भेट दौरा! कुरवंडे गावातून शुभारंभ
– अरे व्वाह..! आता अवघ्या 3 मिनिटात श्री एकविरा देवीच्या गडावर जाता येणार, वाचा सविस्तर
– मोठी बातमी! मावळमध्ये पांसोली इथे बिबट्याला पकडण्यात वनविभागाला यश – पाहा व्हिडिओ