Dainik Maval News : कासारसाई दारूंब्रे येथील श्री संत तुकाराम सहकारी साखर कारखान्याचा गाळप हंगाम सुरळीतपणे चालू असून 71 दिवसात एकूण 2 लाख 37 हजार 565 मॅट्रिक टन उसाचे गाळप झालेले आहे.
मावळ,मुळशी,पश्चिम हवेली,खेड शिरूर हे कार्यक्षेत्र असलेल्या संत तुकाराम सहकारी साखर कारखान्याचा गाळप हंगाम कारखान्याचे संस्थापक अध्यक्ष नानासाहेब नवले व उपाध्यक्ष बापूसाहेब भेगडे तसेच संचालक मंडळ यांच्या मार्गदर्शनाखाली सुरळीतपणे सध्या चालू आहे.
- कारखान्याच्या या गाळप हंगामात आतापर्यंत 2 लाख 37 हजार 565 मॅट्रिक टन उसाचे गाळप पूर्ण झालेले आहे, तर या गाळपातून 2 लाख 62 हजार 825 साखर पोथी उत्पादन झालेले आहे. यासाठी प्रशासनाचे कार्यकारी अधिकारी साहेबराव पठारे व त्यांचा सर्व अधिकारी वर्ग हे नियोजन करत आहे.
यावर्षी सुमारे 5 लाख टन ऊस गाळप होईल असा प्रशासनाला अंदाज असून त्यादृष्टीने दररोज साधारणपणे तीन हजार 750 टन उसाचे गाळप केले जात असते. कारखान्याच्या कार्यक्षेत्रात सुमारे पाच तालुके येत असल्याने बऱ्याच लांब अंतरावरून ऊस वाहतूक करून ऊस आणला जातो. त्यामुळे वाहतुकीवर जास्तच खर्च होत असतो.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळ तालुका कृषी उत्पन्न बाजार समितीच्या नवीन कार्यालयाचे बांधकाम पूर्ण ; लवकरच भव्य सोहळ्यासह होणार लोकार्पण
– श्रीक्षेत्र भंडारा डोंगरावर माघ शुद्ध दशमीच्या निमित्ताने अखंड हरिनाम सप्ताह आणि गाथा पारायण सोहळ्याचे आयोजन
– पुणे जिल्हा निवड चाचणी कुस्ती स्पर्धेत मावळातील सात मल्लांनी पटकाविली पदके ; तीन पैलवानांची ‘महाराष्ट्र केसरी’साठी निवड
