मावळ तालुक्यातील सोमाटणे इथे अमली पदार्थ विरोधी पथकाने कारवाई करत पाऊण लाखांचे शुगर जप्त केले. बुधवारी (दिनांक 14 जून) रोजी दुपारच्या सुमारास ही कारवाई करण्यात आली. नरेश यलप्पा नक्का (वय 33, रा. मुलुंड वेस्ट, मुंबई. मूळ रा. सोलापूर) असे अटक केलेल्या आरोपीचे नाव आहे. याप्रकरणी पोलीस अंमलदार प्रसाद जंगीलवाड यांनी शिरगाव पोलीस ठाण्यात फिर्याद दिली.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
पोलिसांनी दिलेल्या माहितीनुसार, सोमाटणे येथे पुणे मुंबई द्रुतगती मार्गालगत एकजण अंमली पदार्थ घेऊन आला असल्याची माहिती अंमली पदार्थ विरोधी पथकाला मिळाली. त्यानुसार पोलिसांनी सापळा लावून नरेश याला ताब्यात घेतले. त्याच्याकडे एक लाख 70 हजार रुपये किमतीचे 34 ग्रॅम ब्राऊन शुगर आढळून आले. पोलिसांनी हे ब्राऊन शुगर आणि 500 रुपये किमतीचा एक मोबाईल फोन जप्त करत नरेश याला अटक केली. पुढील तपास शिरगाव पोलीस तपास करत आहेत.
अधिक वाचा –
– ज्ञानज्योती फाऊंडेशनमार्फत पवळेवाडी शाळेतील गरजू विद्यार्थ्यांना मोफत शैक्षणिक साहित्य
– तब्बल 1 कोटी 72 लाख रुपयांच्या साळुंब्रे नळ पाणी पुरवठा योजनेचे भूमिपूजन संपन्न
