‘मला आशा आहे आपण माझ्या विनंतीचा स्विकार कराल’, राज ठाकरेंचे फडणवीसांना खुले पत्र, अंधेरी पोटनिवडणूकीत नवा ट्विस्ट

अंधेरी पूर्व विधानसभा पोट निवडणुकीसाठी ( Andheri East Bypoll ) उद्धव ठाकरे गटाच्या ऋतुजा लटके ( Rutuja Latke ) आणि भाजपाचे उमेदवार मुरजी पटेल ( Murji Patel ) यांच्यात थेट लढत होणार आहे. ही पोटनिवडणूक जिंकण्यासाठी शिंदे गट-भाजपा तसेच उद्धव ठाकरे गट पूर्ण ताकदीने मैदानात उतरले आहेत. मात्र, या ठिकाणी मनसेची भूमिका काय असणार, याकडे सर्वांचे डोळे लागले होते. अशात मनसे अध्यक्ष राज ठाकरे ( MNS Chief Raj Thackeray ) यांनी या निवडणुकीसंदर्भात त्यांची भुमिका स्पष्ट केली असून उपमुख्यमंत्री देवेंद्र फडणवीस ( Devendra Fadnavis ) यांना पत्र लिहित भाजपाने ही निवडणूक लढवू नये, अशी विनंती देखील केली आहे.

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

राज ठाकरे यांचे देवेंद्र फडणवीस यांना पत्र, वाचा जसेच्या तसे….

प्रति,
देवेंद्र फडणवीस – उपमुख्यमंत्री, महाराष्ट्र राज्य

दिवंगत आमदार रमेश लटके यांच्या दुर्दैवी निधनानंतर अंधेरी पूर्व विधानसभेच्या जागेसाठी पोटनिवडणूक जाहीर झालेली आहे. या जागेवर रमेश लटके यांच्या पत्नी ऋतुजा लटके यांनी उमेदवारी अर्ज भरला आहे.

कै. रमेश लटके हे चांगले कार्यकर्ते होते. अगदी शाखा प्रमुखापासून त्यांची वाटचाल सुरू झालेली आहे. त्यांच्या राजकीय प्रवासाचा मी एक साक्षीदार आहे. त्यांच्या निधनानंतर त्यांच्या पत्नीने आमदार होण्याने कै. रमेश यांच्या आत्म्याला खरोखर शांती मिळेल.

माझी विनंती आहे की, भारतीय जनता पक्षाने ही निवडणूक लढवू नये आणि त्यांच्या पत्नी ऋतुजा लटके आमदार होतील हे पाहावं

मी माझ्या पक्षातर्फे अशा परिस्थितीत जेव्हा दिवंगत आमदाराच्या घरच्या व्यक्ती निवडणूक लढवतात, तेव्हा शक्यतो निडणूक न लढवण्याचे धोरण स्वीकारतो. तसे करण्याने आपण त्या दिवंगत लोकप्रतिनिधीला श्रद्धांजलीच अर्पण करतो, अशी माझी भावना आहे. आपणही तसं करावं, असं मला माझे मन सांगतं.

असं करणं हे आपल्या महाराष्ट्राच्या महान संस्कृतीशी सुसंगतही आहे. मला आशा आहे आपण माझ्या विनंतीचा स्वीकार कराल.

आपला मित्र,
राज ठाकरे

आमदार कै. रमेश लटके ह्यांच्या दुर्दैवी निधनानंतर अंधेरी (पूर्व) विधानसभा पोट-निवडणुकीबाबत उपमुख्यमंत्री श्री. देवेंद्र फडणवीस ह्यांना नम्र आवाहन आणि महाराष्ट्र नवनिर्माण सेनेची धोरणात्मक भूमिका.@Dev_Fadnavis pic.twitter.com/78nfA21hDP

— Raj Thackeray (@RajThackeray) October 16, 2022

आता राज ठाकरे यांच्या या पत्रानंतर भाजपा नेमकी काय भुमिका घेणार हे पहावे लागेल. ( MNS Chief Raj Thackeray Appeals BJP Devendra Fadnavis Not To Contest Andheri East By Election Against Rutuja Latke )

अधिक वाचा –

Video : पवनानगर येथील कीर्तनाला पंचक्रोशीतील हजारो नागरिकांची उपस्थिती, आमदार शेळकेंचा वाढदिवसही साजरा
भाजपाच्या आंदोलनाचा दणका! मावळचे सहकारी संस्थेचे सहाय्यक निबंधक विठ्ठल सूर्यवंशी यांचे अखेर निलंबन