Dainik Maval News : वडगाव मावळ येथे कायमस्वरुपी उपविभागीय अधिकारी कार्यालय (प्रांत ऑफिस) सुरू करण्याबाबत महसूलमंत्री चंद्रशेखर बावनकुळे यांनी सकारात्मकता दाखविली आहे. वडगाव मावळ बार असोसिएशनच्या पदाधिकाऱ्यांनी याबाबत महसूल मंत्र्यांना निवेदन दिले होते. त्यानंतर महसूल मंत्री बावनकुळे यांनी मावळ तालुक्यात कायमस्वरुपी उपविभागीय कार्यालय सुरु करण्याविषयी सूचना दिल्या आहेत.
वडगाव मावळ बार असोसिएशनच्या पदाधिकाऱ्यांनी शुक्रवारी (दि.110) पुणे येथे (कौन्सिल हॉल) मंत्री बावनकुळे यांची भेट घेऊन वस्तूस्थिती समजावून सांगितली व मावळ तालुक्यात उपविभागीय कार्यालय सुरू करणे गरजेचे असल्याचे स्पष्ट केले. त्यावर महसूल मंत्र्यांनी तत्काळ संबधित अधिकारी यांना मावळात उपविभागीय कार्यालय सुरू करण्यासाठी आदेश दिले आहेत.
मावळ तालुक्यातून दोन महामार्ग जातात. तसेच तालुक्यात एमआयडीसी, रिंग रोड, आंद्रा धरण, पवना धरण व इतर धरणे, महसुली प्रकरणे, आरटीएस अपीले आदी प्रकरणे उपविभागीय अधिकारी यांच्या अखत्यारीत येतात. मावळमधील नागरिकांना ह्या प्रकरणांसाठी जवळजवळ ६७ किलोमीटरचा प्रवास करून बावधन, औंध पुणे येथे जावे लागते. त्यासाठी मोठा प्रवास खर्च व वेळ वाया जातो. तसेच मावळ तालुक्यातून तिथे जाण्यासाठी पुरेशी वाहन व्यवस्था नाही. पक्षकार ,नागरिक, वकील यांचा एका कामासाठी पूर्ण दिवस जातो. यामुळे मावळातच उपविभागीय कार्यालय असावे अशी नागरिकांची मागणी होती.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ई-हक्क प्रणाली : वारस नोंद, 7/12 वरील इकरार नोंदी, मयताचे नाव कमी करणे यासाठी आता घरबसल्या जमा करा कागदपत्रे
– नैसर्गिक आपत्तीग्रस्त ५.३० लाख शेतकऱ्यांना ५३५ कोटी रुपयांची पीक नुकसान भरपाई ; थेट खात्यात जमा होणार रक्कम
– HSC Exam Hall Ticket : बारावी बोर्ड परीक्षेचे प्रवेशपत्र (हॉलतिकीट) ऑनलाईन उपलब्ध, असे करा डाउनलोड
