Dainik Maval News : राज्य शासनाच्या ‘मुख्यमंत्री माझी, शाळा सुंदर शाळा’ अभियान स्पर्धेत तसेच पुणे जिल्हा माध्यमिक व उच्च माध्यमिक शाळा, मुख्याध्यापक संघ, पुणे, पुणे जिल्हा परिषद माध्यमिक शिक्षण विभाग यांच्या संयुक्त विद्यमाने शैक्षणिक गुणवत्ता संवर्धन अभियानामध्ये नूतन महाराष्ट्र विद्या प्रसारक मंडळाच्या शाळांनी घवघवीत यश प्राप्त केल्याची माहिती संस्थेचे सचिव संतोष खांडगे यांनी दिली.
राज्य शासनाच्या ‘मुख्यमंत्री माझी, शाळा सुंदर शाळा’ अभियान स्पर्धेत 82 शाळांनी भाग घेतला होता. यामध्ये पवनानगर येथील पवना विद्या मंदिर या शाळेने प्रथम क्रमांक तर कार्ला येथील श्री एकविरा विद्या मंदिर या शाळेने द्वितीय क्रमांक पटकावला, तर शैक्षणिक गुणवत्ता संवर्धन अभियानामध्ये येथील ॲड. पु. वा. परांजपे विद्या मंदिराने प्रथम क्रमांक, कार्ला येथील श्री एकवीरा विद्या मंदिर या शाळेने द्वितीय क्रमांक पटकावला असल्याची माहिती खांडगे यांनी दिली.
संस्थेचे आधारस्तंभ शिक्षणमहर्षी, कृष्णराव भेगडे तसेच संस्थेचे अध्यक्ष माजी राज्यमंत्री संजय (बाळा) भेगडे, उपाध्यक्ष गणेश खांडगे, सचिव संतोष खांडगे, खजिनदार राजेश म्हस्के, सहसचिव नंदकुमार शेलार यांच्या मार्गदर्शनाखाली संस्थेच्या सर्व शाळांमध्ये गुणवत्ता अभियान राबविण्यात येत आहे.
यासाठी संस्थेच्या विविध शाळांचे शालेय समित्यांचे अध्यक्ष यांनी केलेल्या मार्गदर्शनातून तसेच शाळांचे मुख्याध्यापक, पर्यवेक्षक, शिक्षक व शिक्षकेत्तर कर्मचारी यांच्या परिश्रमामुळे यश मिळाले आहे. याशिवाय राज्य शासनाकडून घेण्यात आलेल्या विविध शिष्यवृत्ती स्पर्धांमध्ये विद्यार्थ्यांनी चांगले यश संपादन केल्याचे संस्थेचे सचिव संतोष खांडगे यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
