Dainik Maval News : रविवारी (दि. ११) मावळ तालुक्यात गावोगावी नवरात्रोत्सवाची भक्तिमय वातावरणात सुरुवात झाली. मावळ तालुक्यातील गावांमधील देवी मंदिरांमध्ये तसेच घरोघरी देव्हाऱ्यासमोर घटस्थापना आणि देवतेची विधीवत पूजा संपन्न झाली.
कार्ला येथील आई एकवीरा देवी, वडगाव मावळ येथील श्री पोटोबा महाराज- आई जोगेश्वरी मंदिरात, सांगवी येथील जाखमाता देवी, नानोली येथील फिरंगाई डोंगरावरील फिरंगाई देवी, इंदुरी येथील कडजाई माता देवी, घोरावडेश्वर पायथ्याशी असलेल्या अमरदेवी मातेचे मंदिर आदी ठिकाणी पारंपरिक पद्धतीने घटस्थापना करून देवींची पूजा करण्यात आली. घरोघरीही भक्तांनी उत्साहाने घटस्थापना केली असून धार्मिक वातावरणाने सर्व परिसर मंगलमय झाला आहे.
सायंकाळी मावळ तालुक्यातील विविध देवी मंदिरांमधून वाजत गाजत मिरवणुका काढण्यात आल्या. ढोल-ताशांच्या गजरात, टाळ-मृदंगाच्या निनादात देवींची करण्यात आली. विविध मंडळांनी देखील सजावट, आरास आणि सांस्कृतिक कार्यक्रमांची तयारी केली.
तीर्थक्षेत्र पोटोबा देवस्थान संस्थान,श्री पोटोबा महाराज आई जोगेश्वरी,मंदिरामध्ये घटस्थापना संपन्न झाली. देवस्थानचे विश्वस्त सचिव अनंता कुडे व पुजारी विवेक गुरव यांचे शुभहस्ते घटस्थापना करण्यात आली. यावेळी, मुख्य विश्वस्त किरण भिलारे,उपाध्यक्ष गणेश (आप्पा) ढोरे, विश्वस्त चंद्रकांत ढोरे, भास्करराव म्हाळसकर, ॲड अशोक ढमाले, ॲड तुकाराम काटे, विश्वस्त अरुण चव्हाण, तुकाराम ढोरे, सुभाषराव जाधव, सुनिता कुडे आदिसह, ग्रामस्थ मोठया संख्येने उपस्थित होते.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा
– “भात, सोयाबीन पिकांचे तातडीने पंचनामे करा” – परिस्थितीचा योग्य विचार करून मावळात दुष्काळ जाहीर करा – सभापती सुनीता मनोज येवले
– “स्व. अजितदादा पवार वैकुंठ रथाचे लोकार्पण” वडगाव नगरीचे उपनगराध्यक्ष सुनील गणेशआप्पा ढोरे यांचा वाढदिनी आदर्शवत उपक्रम
– मावळ तालुक्यात महायुतीत पुन्हा जुंपली
