मुंबई पुणे यशवंतराव चव्हाण द्रुतगती मार्ग हा महाराष्ट्रातील सर्वाधिक रहदारी असणारा द्रुतगती मार्ग आहे. दररोज हजारो लाखो वाहने या मार्गावरुन मार्गक्रमण करत असतात. अतिवेग, वाहनावरील नियंत्रण सुटणे किंवा अन्य काही कारणांमुळे द्रुतगती मार्गावर अनेकदा अपघातही होत असतात. परंतू, मागील 40 दिवसांत झालेल्या अपघातापैकी दोन अपघात सर्वांनाच विचारात टाकणारे आहेत. याचे कारण म्हणजे सुरक्षेसाठी म्हणून रस्त्याच्या बाजूला लावलेले लोखंडी पोल ( क्रॅश बॅरियर ) गंभीर अपघाताचे कारण बनत आहे. ( Fatal Car Accident At Somatane Exit On Mumbai Pune Yashwantrao Chavan Expressway )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
आज शनिवारी (18 मार्च) सकाळी मुंबई पुणे द्रुतगती मार्गावर सोमाटणे टोलनाका एक्झिटवळ एक भीषण अपघात झाला. यात अतिवेगात असलेली कार एका संरक्षक पोलला धडकली. मात्र या अपघातात हा पोलच उखडून कारमध्ये घुसला आणि अपघाताची तीव्रता अधिक वाढली. सुदैवाने सदर अपघातात कुणी दगावले नसून प्रवासी जखमी झालेत, पैकी एक जण गंभीर जखमी आहेत. मुंबई-पुणे एक्सप्रेस वेवर किलोमीटर 86 वर सोमाटणे एक्झिट इथे हा अपघात घडला. वाहनचालक (गाडीक्रमांक 23 बी.एच. 5560 ए किया कार) हा मुंबईहून पुण्याच्या दिशेने जात होतो, तेव्हा सोमाटणे टोलनाका इथे नियंत्रण सुटून हा अपघात झाला.
शनिवारी झालेला अपघात आणि काही दिवसांपूर्वी याच मार्गावर झालेला अपघात, यातून रस्त्याच्या बाजूला असलेल्या या सुरक्षारक्षक पोल ( क्रॅश बॅरियर ) आणि लोखंडी जाळ्या यांच्या क्षमतेवर, क्वालिटीवर प्रश्न निर्माण होत आहे. धडक बसताच तुटणारे लोखंडी पोल ( क्रॅश बॅरियर ) किंवा जमिनीपासून उखडणारे पोल हे किती तकलादू आहेत, हे यातून दिसते. अपघात रोखण्यासाठी किंवा अपघाताची तीव्रता कमी व्हावे, यासाठी असणार हे घटकच अपघाताची तीव्रता वाढवतात, असे स्पष्ट दिसत आहे. ( Fatal Car Accident At Somatane Exit On Mumbai Pune Yashwantrao Chavan Expressway )
अधिक वाचा –
– मोठी बातमी! मुंबई-पुणे एक्सप्रेस वेवर आढे गावाच्या हद्दीत अत्यंत भीषण अपघात, तीन जण जागीच ठार
– तळेगावात अपघातग्रस्त घोडीला जीवदान, वन्यजीव रक्षक मावळ आणि गोशाळेच्या प्राणीमित्रांनी दाखवली तत्परता – व्हिडिओ
