पुणे जिल्ह्याला हादरवणाऱ्या किशोर आवारे हत्या प्रकरणाचा तपास करणाऱ्या विशेष तपास पथक अर्थात एसआयटीच्या प्रमुख अधिकारी एसीपी प्रेरणा कट्टे यांची चंद्रपूर जिल्ह्यात होणारी बदली रद्द करण्यात आली आहे.
राज्य पोलिस दलातील उपअधीक्षक / सहायक आयुक्त दर्जाच्या अधिकाऱ्यांच्या सोमवारी (दिनांक 22 मे) बदल्या करण्यात आल्या. त्या बदल्यांमध्ये अंशत: बदल करण्यात आले आहेत. त्यात पिंपरी-चिंचवडच्या सहायक पोलिस आयुक्त प्रेरणा कट्टे यांची करण्यात आलेली बदली रद्द झाली आहे. राज्याच्या गृह विभागातर्फे याबाबत बुधवारी (दिनांक 24 मे) याबाबत आदेश काढण्यात आले आहेत. ( ACP Prerna Katte SIT Head Of Kishor Aware murder case transfer Canceled )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
पिंपरी चिंचवड शहरातील तीन सहाय्यक पोलीस आयुक्तांच्या बदल्या झाल्या होत्या. यात गुन्हे शाखेचे प्रशांत श्रीराम अमृतकर यांची पोलीस उपअधीक्षक गडचिरोली इथे, वाकड विभागाचे सहाय्यक पोलीस आयुक्त श्रीकांत औदुंबर डिसले यांची पोलीस उपअधीक्षक नंदुरबार याठिकाणी, तर चाकण विभागाच्या सहाय्यक पोलीस आयुक्त प्रेरणा जीवन कट्टे यांची पोलीस उपअधीक्षक पदी चिमूर (जि. चंद्रपूर) इथे बदली केली होती. मात्र सुधारीत आदेशानुसार प्रेरणा कट्टे यांची बदली सध्या रद्द करण्यात आली आहे. कट्टे यांची बदली रद्द करण्यात आली असून त्यांच्या पदस्थापनेचे आदेश स्वतंत्रपणे काढण्यात येणार आहेत.
जनसेवा विकास समितीचे संस्थापक अध्यक्ष किशोर आवारे यांची दिनांक 12 मे रोजी दुपारी तळेगाव दाभाडे नगरपरिषदेसमोर निर्घृणपणे हत्या करण्यात आली. या प्रकरणी फिर्यादीत तालुक्यातील आमदारांसह अनेकांची नावे आल्याने प्रकरणाची व्याप्ती वाढली होती. त्यामुळे या प्रकरणाचा तपास करण्यासाठी एसआयटीची स्थापना करण्यात आली. आतापर्यंत या प्रकरणात सात आरोपींना अटक करण्यात आली आहे.
किशोर आवारे हत्या प्रकरणाचा तपास करण्यासाठी पोलीस आयुक्त विनयकुमार चौबे यांनी एसआयटीची स्थापना केली. प्रमुख म्हणून त्यांनी एसीपी प्रेरणा कट्टे यांच्याकडे जबाबदारी दिली होती. या प्रकरणाचा तपास होत असताना अलिकडे काही धक्कादायक बाबी समोर येत होत्या, अशातच एसआयटी प्रमुखांची बदलीची बातमी समोर आल्याने अनेक चर्चा होऊ लागल्या. मात्र कट्टे यांची बदली रद्द झाल्याने सध्या तरी या प्रकरणाच्या तपास प्रमुख म्हणून त्याच असणार आहेत, असे समजते.
अधिक वाचा –
– दैनिक मावळचा अंदाज ठरला खरा! सभापती आणि उपसभापती पदाची निवड झाली बिनविरोध
– लोकसभेसाठी मविआचे उमेदवार ठरले? सोशल मीडियावर यादी व्हायरल, मावळमधून पार्थ पवारांचे नाव, चर्चांना उधाण
