केंद्रीय अर्थमंत्री निर्मला सितारमन यांनी आज (बुधवार, दि 1 फेब्रुवारी) रोजी केंद्रीय अर्थसंकल्प 2023 संसदेत सादर केला. यावेळी अर्थमंत्री सितारमन यांनी अनेक मोठ्या घोषणा केल्या आहेत. नरेंद्र मोदी यांच्या काळातील हे नववे बजेट आहे, तर निर्मला सितारमन यांनी सलग पाचव्यांदा अर्थसंकल्प सादर केला.
केंद्रातील मोदी सरकारचा हा निवडणूकपूर्वीचा अर्थसंकल्प असल्याने सर्वांचेच या अर्थसंकल्पाकडे लक्ष लागून राहिले होते. आज (बुधवार) सकाळी राष्ट्रपती दौपती मुर्मू यांनी केंद्रीय अर्थसंकल्पाला औपचारिक मंजूरी दिली. त्यानंतर केंद्रीय मंत्रिमंडळ बैठकीतही अर्थसंकल्पाला मंजूरी देण्यात आली. त्यानंतर अर्थमंत्री निर्मला सितारमन यांनी संसदेत हा अर्थसंकल्प सादर केला. यंदाही सितारमन यांनी डिजीटल पद्धतीने अर्थसंकल्प सादर केला.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
पंतप्रधान आवास योजनेसाठी 79 हजार कोटींचा निधी –
पंतप्रधान नरेंद्र मोदी सरकारची महत्वकांक्षी योजना असलेल्या पंतप्रधान आवास योजनेसाठी यंदाच्या अर्थसंकल्पात मोठी वाढ कऱण्यात आली. अर्थमंत्री निर्मला सितारमन यांनी यंदा पीएम आवास योजनेसाठी तब्बल 79 हजार कोटींच्या निधीची तरतूद केली आहे. हा निधी गेल्यावेळच्या निधीपेक्षा एकूण 66 टक्क्यांहून अधिक आहे. पंतप्रधान आवास योजनेसाठीचा निधी 66 टक्क्यांनी वाढवून 79 हजार कोटी केल्याने सरकारला सर्वसमावेशक आणि शेवटच्या घटकापर्यंतचे विकास ध्येय साध्य करण्यास अधिक मदत होणार आहे.
यासह ऊर्जा विभागासाठी 50 हजार कोटींची योजना राबवणार असल्याची घोषणा निर्मला सीतारामन यांनी केली. तसेच पायाभूत सोयीसुविधांसाठी सलग तिसऱ्या वर्षी निधीत वाढ कऱण्यात आली आहे. यंदा पायाभूत सोईसुविधांच्याकरिता निधी 33 टक्क्यांनी वाढून एकूण 10 लाख कोटींची तरतूद कऱण्यात आली आहे. एकूण GDP च्या ही रक्कम 3.3 टक्के इतकी आहे.
अर्थसंकल्प सादर करताना अर्थमंत्र्यांची सुरुवातीला महत्वाची माहिती….
अर्थसंकल्प सादर करताना सुरुवातीलाच, भारताच्या “अमृतकाळातलं” पहिलं अर्थसंकल्पीय भाषण असल्याचे सांगताना भारताच्या 100व्या वर्षाच्या वाटचालीकडे नेणारा हा अर्थसंकल्प असेल असे निर्मला सितारमन म्हणाल्या. तसेच, सरकारच्या वेगवेगळ्या योजनांची माहिती देताना, PM आवास योजना, किसान सम्मान निधी, कोरोना लसीकरण आदींची माहिती सभागृहाला दिली. ग्रामीण महिलांचं सशक्तीकरण, हस्तकलेच्या कलाकारांना बळ, पर्यटनाला प्रोत्साहन आणि ग्रीन ग्रोथ या चार गोष्टी अमृत काळात पुढे जाताना महत्वाच्या असल्याचे त्यांनी सांगितले.
अधिक वाचा –
– केंद्रीय अर्थसंकल्प 2023 : करदात्यांसाठी मोठी खुशखबर, 7 लाखांपर्यंतचे उत्पन्न करमुक्त राहणार
– केंद्रीय अर्थसंकल्प 2023 : मोदी सरकारची आदिवासी समुदायांसाठी मोठी घोषणा, देशात पीएम पीव्हीटीजी योजना राबवणार
– केंद्रीय अर्थसंकल्प 2023 : मोदी सरकारचे ‘मिशन सप्तर्षी’, ‘या’ सात घटकांवर आधारित यंदाचा अर्थसंकल्प, जाणून घ्या
