मावळ लोकसभा मतदारसंघासाठी उमेदवारी जाहीर झाल्यानंतर संजोग वाघेरे यांनी पक्षप्रमुख उद्धव ठाकरे यांची भेट घेतली. दिनांक 17 मार्चला शिवसेना उद्धव बाळासाहेब ठाकरे पक्षाने त्यांच्या 16 उमेदवारांच्या नावांची यादी जाहीर केली. त्यात संजोग वाघेरे यांना मावळ लोकसभेसाठी उमेदवारी देण्यात आली. उमेदवारी जाहीर झाल्यानंतर संजोग वाघेरे हे उद्धव ठाकरे यांच्या भेटीला गेले आणि त्यांचे आशीर्वाद घेतले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
एकेकाळी उपमुख्यमंत्री अजित पवार यांचे कट्टर समर्थक असलेल्या संजोग वाघेरे यांना दोन वेळा लोकसभेची उमेदवारी डावलण्यात आली. त्यानंतर मात्र यंदा त्यांनी उमेदवारीचे वातावरण पाहून थेट शिवसेना ठाकरे गटात प्रवेश केला. आता त्यांनाच अपेक्षेप्रमाणे शिवसेना उध्दव बाळासाहेब ठाकरे गटाची उमेदवारी जाहिर झाली. उमेदवारी जाहीर झाल्यानंतर संजोग वाघेरे यांनी गुरुवारी (दि. 28) मातोश्रीवर उध्दव ठाकरे यांची भेट घेतली. ( After announcing his candidature for Maval Lok Sabha constituency Sanjog Waghere met Uddhav Thackeray )
संजोग वाघेरे पाटील हे उध्दव ठाकरे यांचे आभार मानण्यासाठी आणि सदिच्छा भेटीसाठी मातोश्रीवर गेले होते. ‘तुम्ही निवडून याल आणि हा गड आपल्याला पुन्हा राखायचाय अशा पध्दतीने काम आणि प्रचार करा,’ असे पक्षप्रमुख उध्दव ठाकरे यांनी सांगितल्याची माहिती वाघेरे यांनी दिली.
“पक्षाने माझ्यावर विश्‍वास दाखवून मला उमेदवारी दिली त्याबद्दल मी पक्षप्रमुख उध्दव ठाकरे, युवा नेते आदित्य ठाकरे, नेते संजय राऊत, सचिन अहिर यांचा आभारी आहे. मावळची परंपरा राखण्यासाठी शिवसेनेचा गड राखून विजय मिळवेल असा मला विश्‍वास आहे.” – संजोग वाघेरे, उमेदवार (मावळ लोकसभा मतदार संघ)
अधिक वाचा –
– रेल्वेच्या गर्दीमुळे पोलिसाचा मृत्यू, कर्तव्याला जाताना डोंबिवली-कोपर दरम्यान धावत्या गाडीतून पडले
– मावळ लोकसभेसाठी मराठा समाजाकडून ‘या’ नावाची होतेय चर्चा । Maval Lok Sabha Election 2024
– आमदार सुनिल शेळके हे श्रीरंग बारणे यांचा प्रचार करणार का? । Maval Lok Sabha Election 2024
