Maval Lok Sabha Election 2024 : मावळ लोकसभा मतदारसंघ हा राज्यात आता केंद्रस्थानी आला आहे. एकीकडे शिवसैनिक विरुद्ध शिवसैनिक अशी तुल्यबळ लढत फिक्स होत असताना दुसरीकडे आता मराठा समाजही एकीने या लढाईत उतरणार असल्याचे दिसत आहे. मावळ लोकसभा मतदार संघातून मराठा समाजाचे समन्वयक विनोद साबळे यांना मराठा समाजाच्या वतीने अपक्ष उमेदवार म्हणून उमेदवारी देण्यात यावी, असा ठराव कामोठे येथे समाज बांधवांच्या झालेल्या बैठकीत करण्यात आला. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
नुकत्याच अंतरवाली सराटी येथे झालेल्या बैठकीत ठरल्याप्रमाणे मावळ मतदारसंघात एकच अपक्ष उमेदवार देण्याबाबत उपस्थित मराठा बांधवांनी सहमती दर्शवली होती. त्यानुसार कामोठे येथे आयोजित समाज बांधवांच्या बैठकीमध्ये विनोद साबळे यांच्या उमेदवारीबाबत चर्चा होेवून सर्वसहमतीने त्यांचे नाव सुचित करण्यात आले. ( name of Vinod Sable is being discussed by Maratha Samaj as Maval Lok Sabha candidate )
पनवेल तालुक्यासह मावळ, कर्जत, उरण आणि पनवेल मतदार संघातील बांधव सुद्धा त्यांच्या पाठीशी ठामपणे उभे राहिले असून, येत्या काही दिवसातच त्यांच्या उमेदवारीचे चित्र स्पष्ट होईल. त्यामुळे मावळ लोकसभा मतदार संघात तिरंगी अटी-तटीची लढत होण्याची दाट शक्यता निर्माण झाली आहे.
अधिक वाचा –
– लोकसभा निवडणूकीतील गैरप्रकारांवर लक्ष ठेवण्यासाठी 135 भरारी पथके आणि 129 स्थिर सर्वेक्षण पथके तैणात । Lok Sabha Election 2024
– लोकसभा निवडणूकीसाठी शिवसेना पक्षाकडून उमेदवारांची पहिली यादी जाहीर, मावळमधून पुन्हा श्रीरंग बारणेंना तिकीट
– राष्ट्रवादी काँग्रेस पक्षाकडून लोकसभेसाठी 37 स्टार प्रचारकांची यादी जाहीर, आमदार सुनिल शेळकेंचाही समावेश, वाचा यादी
