Dainik Maval News : प्रगती विद्या मंदिर व हभप आनंदराव नारायण काशिद पाटील ज्यूनिअर काॅलेज इंदोरी येथे वार्षिक स्नेहसंमेलन व पारितोषिक वितरण समारंभ उत्साहात संपन्न झाला. संमेलनाचे ध्वजारोहण सरपंच शशिकांत शिंदे यांचे हस्ते करण्यात आले. याप्रसंगी नुतन महाराष्ट्र विद्या प्रसारक मंडळाचे सचिव संतोष खांडगे अध्यक्षस्थानी होते.
दीपप्रज्वलन व सरस्वती पूजनाने कार्यक्रमाची सुरुवात झाली. प्रशालेच्या नूतन कार्यालयाचे संतोष खांडगे यांच्या हस्ते उद्घाटन करण्यात आले. कला, रांगोळी, विज्ञान दालनांचे उद्घाटन, हस्तलिखित प्रकाशन पाहुण्यांच्या हस्ते करण्यात आले. कार्यक्रमाचे प्रास्ताविक प्राचार्य रेवाप्पा शितोळे यांनी केले. यावेळी प्रमुख वक्ते म्हणून प्रा. विजय नवले उपस्थित होते. प्रा. नवले यांनी रसाळ वाणीने विद्यार्थ्यांची मने जिंकून घेतली.
विद्यालयातील ज्योती पिंजण व रूपेश शिंदे यांचा गुणवंत शिक्षक व शुभम कांबळे यांना गुणवंत सेवक पुरस्काराने गौरव करण्यात आला. अभिषेक इंगळे यांनी गरीब व गरजू विद्यार्थ्यांच्या शुल्कासाठी 40 हजार रुपयेचा धनादेश देण्यात आला. प्रमुख वक्त्यांचा परिचय लक्ष्मण मखर यांनी करुन दिला. सुत्रसंचलन शितल शेटे, श्वैता मोहिते व मोहिनी ढोरे यांनी केले. संमेलन प्रमुख अश्विनी शेलार यांनी आभार मानले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– विद्यार्थ्यांची पायपीट थांबणार ! कुरवंडे येथील 42 शालेय विद्यार्थ्यांना सायकल वाटप । Maval News
– अज्ञात वाहनाच्या धडकेत बिबट्याचा मृत्यू, पिंपळोली गावच्या हद्दीतील घटना । Maval News
– भारतरत्न डॉ. बाबासाहेब आंबेडकर स्वाधार योजनेसाठी ३१ डिसेंबरपर्यंत अर्ज करण्याचे आवाहन
– कुसवलीतील सहारा वृद्धाश्रमात रंगली अनुभवाच्या कवितांची व मुक्त संवादाची मैफल । Maval News
