Dainik Maval News : पवन मावळ विभागातील येलघोल गावाच्या हद्दीत असणाऱ्या प्राचीन बुद्ध लेणीकडे जाणाऱ्या रस्त्याच्या कामाला सुरुवात करण्यात आली आहे. कच्च्या स्वरुपात असणाऱ्या या रस्त्याचे आता सिमेंट काँक्रीटीकरण करण्यात येणार असून त्यासाठी ग्रामपंचायतीच्या प्रयत्नांतून 20 लाखांचा निधी उपलब्ध झाला आहे.
येलघोल गावातील या प्राचीन बुद्ध लेणी पर्यंत जाण्यासाठी चांगला रस्ता नव्हता. पावसाळ्यात तर येथे जाणे कसरतीचे असायचे. लेणी संवर्धनासाठी काम करणाऱ्या संघटना आणि ग्रामस्थांच्या मदतीने येथे तात्पुरता पूल उभारण्यात आला होता. त्यानंतर ग्रामपंचायतीने ग्रामसभेत लेणीकडे जाणारा रस्ता पक्का बनविण्याचा ठराव पास केला. अखेर या रस्त्यासाठी २० लाखांचा निधी उपलब्ध झाला असून रस्त्याच्या कामाला प्रत्यक्ष सुरुवात झाली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– संविधान प्रतिकृतीची विटंबना करणाऱ्यावर कठोर कारवाई व्हावी ; आरपीआयचे तहसीलदार, पोलीस निरीक्षक यांना निवेदन
– परभणी घटनेच्या निषेधार्थ पवनानगर बंद ! आरोपीला कठोर शासन करण्याची मागणी । Pavananagar
– बनावट घड्याळ विक्री प्रकरणी दुकानदारावर गुन्हा दाखल, देहूरोड येथील घटना । Maval Crime
