Dainik Maval News : लोणावळा शहरामध्ये मुख्य चौक व मुंबई-पुणे राष्ट्रीय महामार्गावर फुगे विकणाऱ्या दोन जणांनी एकमेकांवर चाकू हल्ला केल्याची घटना एका दुकानाच्या सीसीटीव्ही कॅमेऱ्यामध्ये कैद झाली आहे. ही घटना रात्रीच्या सुमारास घडलेली आहे.
मुंबई-पुणे राष्ट्रीय महामार्गाच्या लगत एका बंद दुकानाच्या समोरील मोकळ्या जागेमध्ये काही फुगेवाले नागरिक व इतर नागरिक झोपले होते. या वेळी त्या ठिकाणी आलेल्या एका व्यक्तीने दुसऱ्या झोपलेल्या व्यक्तीवर अचानकपणे हल्ला करण्यास सुरुवात केली. त्यानंतर झोपेतून उठलेल्या त्या व्यक्तीनेदेखील हल्ला करणाऱ्या व्यक्तीवर प्रतिहल्ला केला.
या दोन्ही व्यक्तींच्या हातामध्ये चाकूसारख्या धारदार वस्तू होत्या व त्याने ते एकमेकांना मारत होते. दोघांचेही हल्ल्यानंतर त्या ठिकाणी रक्तस्त्राव झाला. त्यामुळे आजूबाजूला झोपलेल्या इतर नागरिकांनी त्यांना तिथून हाकलून देण्याचा प्रयत्न केला. हा संपूर्ण प्रकार सीसीटीव्ही कॅमेऱ्यामध्ये कैद झालेला आहे.
लोणावळा शहर हे पर्यटनस्थळ आहे. या ठिकाणी वेगवेगळ्या भागांतून मोठ्या प्रमाणात पर्यटक येत असतात. रात्रीच्या वेळीदेखील पर्यटकांची वर्दळ शहरामध्ये सुरू असते. तसेच पहाटेदेखील अनेक पर्यटक शहरामध्ये दाखल होत असतात. नशा करून रात्री अपरात्री वेगवेगळ्या भागांमध्ये फिरणाऱ्या या नागरिकांकडून पर्यटक असो वा स्थानिक नागरिक यांच्यामध्ये असुरक्षिततेची भावना निर्माण होत आहे.
मागील काळामध्ये नगरपरिषद व तत्कालीन लोकप्रतिनिधी तसेच पोलिस अधिकारी यांनी या फुगे विक्रेत्यांवर कारवाई करत त्यांना लोणावळा शहरातून हद्दपार केले होते. मात्र, काही दिवस शहराबाहेर गेल्यानंतर पुन्हा यांचा तांडा एक एक करत लोणावळा शहरामध्ये दाखल झाला आहे.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा
– आंद्रा धरणग्रस्तांचे पुनर्वसन झालेच पाहिजे ; बंदिस्त जलवाहिनीला कायमचा विरोध!
– वडगाव वनपरिक्षेत्रात अशक्त अवस्थेत आढळलेल्या ‘शेकरू’ला जीवदान ; निसर्गाच्या सान्निध्यात केले मुक्त
– घोरवडेश्वर मंदिर दर्शन करून घरी परतताना काळाचा घाला! सख्ख्या बहिण-भावाचा पुणे-मुंबई महामार्गावर अपघाती मृत्यू
– दारूसाठी पैसे न दिल्याने पत्नीचा खून करून पसार झालेल्या आरोपीला तब्बल १८ वर्षांनंतर अटक
