Dainik Maval News : तळेगाव दाभाडे शहराचे ग्रामदैवत श्री डोळसनाथ महाराज उत्सव समितीच्या अध्यक्षपदी अविष्कार अशोक (अंकल) भेगडे यांची सर्वानुमते बिनविरोध निवड करण्यात आली आहे. ग्रामदैवत श्री डोळसनाथ महाराज मंदिरामध्ये झालेल्या ग्रामस्थांच्या बैठकीमध्ये हा निर्णय घेण्यात आला. यावर्षी येत्या 30 मार्च रोजी गुढीपाडवा येत असून यानिमित्त होणाऱ्या सामाजिक, सांस्कृतिक व विविध कार्यक्रमांचे नियोजन करण्यासाठी संयोजन समिती निवड करण्यात आली आहे.
यात, अध्यक्षपदी अविष्कार भेगडे व कार्याध्यक्षपदी प्रणव दाभाडे यांची नियुक्ती करण्यात आली आहे. तर, खजिनदारपदी शुभम लांडे, सरचिटणीसपदी अजय पवार, प्रसिद्धी प्रमुखपदी अभिषेक बुटे यांना संधी देण्यात आली आहे. सर्व प्रमुख पदाधिकारी व जेष्ठ मंडळी यांनी नूतन कार्यकारिणीचे अभिनंदन केले.
नवनिर्वाचित अध्यक्ष भेगडे म्हणाले की, या उत्सवाला असलेल्या ऐतिहासिक परंपरेला अनुसरून आणि आधुनिक बदलांनुसार उत्सव साजरा करण्याचा मी आणि माझे सहकारी नक्कीच प्रयत्न करतील. मिळालेल्या सर्व जबाबदाऱ्या प्रामाणिकपणे पार पाडू. तसेच ग्रामस्थ, देणगीदार आदी नागरिक बंधू भगिनी यांनी सहकार्य करावे, असे आवाहन त्यांनी केले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
