Dainik Maval News : “मला मंत्रीपद मिळो की न मिळो, पण दादांना मुख्यमंत्रीपद मिळायला हवे होते. ही एक इच्छा अपूर्ण राहिली आहे. आता अजित दादा राहिले नाहीत, तरी त्यांच्या रूपात सुनेत्रा वहिनी मुख्यमंत्री व्हाव्यात, अशी आई एकविरा चरणी प्रार्थना आहे. आम्ही त्यांना घेऊन पुन्हा एकविरा देवीच्या दर्शनाला येऊ,” असे साकडे आमदार सुनील शेळके यांनी आई एकविरा देवीच्या चरणाशी घातले आहे.
नुकत्याच झालेल्या जिल्हा परिषद, पंचायत समिती निवडणुका आणि त्यापूर्वी झालेल्या लोणावळा, वडगाव आणि तळेगाव येथील स्थानिक स्वराज्य संस्थांच्या निवडणुकीत सर्व ठिकाणी राष्ट्रवादी काँग्रेस पक्षाचा डंका वाजला आहे. याच पार्श्वभूमीवर राष्ट्रवादी काँग्रेसचे सर्व नवनिर्वाचित नगराध्यक्ष, नगरसेवक, जिल्हा परिषद व पंचायत समिती सदस्यांना घेऊन आमदार सुनील शेळके यांनी कार्ला गडावरील आई एकविरा देवीचे दर्शन घेतले. यानंतर आयोजित कार्यक्रमात बोलताना आमदार सुनील शेळके यांनी वरील विधान केले.
श्री एकविरा देवी देवस्थान ट्रस्टच्या वतीने सर्व प्रतिनिधींचा विशेष सत्कार सोहळा आयोजित करण्यात आला होता. यापूर्वी राज्यात शिवसेनेची सत्ता स्थापन झाल्यानंतर, माजी मुख्यमंत्री उद्धव ठाकरे यांच्या नेतृत्वाखाली याच कार्ला गडावर प्रथमच नवनिर्वाचित आमदारांचा सत्कार करण्यात आला होता. त्यानंतर मावळच्या इतिहासात दुसऱ्यांदा एवढ्या मोठ्या संख्येने लोकप्रतिनिधी एकत्र येऊन देवीचे दर्शन घेताना पाहायला मिळाले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण
