उद्धव ठाकरेंवर प्रचंड जहरी टीका; “बापाचे नाव नसते तर एखाद्या स्टुडिओमध्ये फोटो..”

भारतीय जनता पार्टी ( BJP ) आणि शिवसेना ( Shiv Sena ) यांच्यातील संघर्ष आता टोकाला जात असताना दिसत आहे. दोन्ही पक्षाच्या नेत्यांकडून एकमेकांवर पातळी सोडून टीका होताना दिसत आहे. आगामी मुंबई महापालिका निवडणूक आणि इतर सर्व निवडणूकांच्या अनुषंगाने या दोन्ही पक्षातील राजकीय संघर्ष अधिक तीव्र होताना दिसत आहे.

“राजकारणात सगळे काही सहन करा, मात्र धोका सहन करू नका. जे धोका देतात त्यांना योग्य ती शिक्षा झालीच पाहिजे. मुंबईतल्या राजकारणावर वर्चस्व केवळ भाजपचे असावे. आता वेळ आली आहे. उद्धव ठाकरेंना जागा दाखवली पाहिजे,” अशा शब्दांत केंद्रीय गृहमंत्री अमित शहा ( Amit Shah ) यांनी शिवसेना पक्षप्रमुख उद्धव ठाकरेंवर ( Shiv Sena Uddhav Thackeray ) मुंबई दौऱ्यावर असताना हल्लाबोल केला होता.

त्यांच्या टीकेला शिवसेनेकडून शिवसेनेच्या उपनेत्या सुषमा अंधारे यांनी जोरदार प्रत्युत्तर दिले होते. “शिवसेना कोणाची, शिवसेना संपेल की राहील यावर एखादा तडीपार गुंड येथे येऊन मते मांडत असतील तर महाराष्ट्राचे कान इतके दुबळे नक्कीच नाहीत. महाराष्ट्र इतक्या दुबळ्या आणि हलक्या मनाचा नक्कीच नाही की तो आपला सद्सदविवेक हरवून एखाद्या तडीपार गुंडाचे म्हणणे ऐकेल. शिवसेना कालही होती शिवसेना आजही आहे. शिवसेना उद्याही राहील.” असे अंधारे यांनी ठणकावून सांगितले.

अंधारे यांच्या गृहमंत्री शहा यांच्याबद्दलच्या ‘तडीपार गुंड’ या शब्दांनी क्रोधित झालेल्या अतुल भातखळकर ( BJP Atul Bhatkhalkar ) यांनीही आता थेट उद्धव ठाकरेंवर जहरी टीका केली आहे.

सत्ता गमावल्यामुळे उध्दव ठाकरे यांच्या डोक्यावर परिणाम झाला असल्याची शक्यता नाकारता येत नाही…
बापाच्या जीवावर जगणाऱ्यानी स्वयंभू नेते असलेल्या देशाच्या गृहमंत्र्यांवर बोलण्या आधी आपली लायकी तपासावी. बापाचे नाव नसते तर आपल्याला एखाद्या स्टुडिओ मध्ये फोटो काढत बसावे लागले असते. pic.twitter.com/oicHch6dqa

— Atul Bhatkhalkar (मोदी का परीवार) (@BhatkhalkarA) September 7, 2022

बापाच्या जीवावर जगणाऱ्यांनी… – भातखळकर यांचे ट्विट

“सत्ता गमावल्यामुळे उध्दव ठाकरे यांच्या डोक्यावर परिणाम झाला असल्याची शक्यता नाकारता येत नाही… बापाच्या जीवावर जगणाऱ्यानी स्वयंभू नेते असलेल्या देशाच्या गृहमंत्र्यांवर बोलण्या आधी आपली लायकी तपासावी. बापाचे नाव नसते तर आपल्याला एखाद्या स्टुडिओ मध्ये फोटो काढत बसावे लागले असते.” असे ट्विट अतुल भातखळकर यांनी केले आहे. ( BJP Atul Bhatkhalkar Criticizes Shiv Sena Uddhav Thackeray Through Tweet )

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

अधिक वाचा –
गॅस सिलिंडरबाबत गुड न्यूज! लवकरच होणार स्वस्त, वाचा अधिक
मावळ तालुक्यातील सर्व पर्यटनस्थळांची यादी, वाचा एका क्लिकवर