Dainik Maval News : ऐन निवडणूकीच्या धामधुमीत आणि दिवाळी सणाच्या काळात मावळ तालुक्यात एक धक्कादायक घटना घडली आहे. पवन मावळ विभागात भारतीय जनता पार्टीच्या एका पदाधिकाऱ्याची दगडाने ठेचून हत्या करण्यात आल्याने परिसरात खळबळ माजली आहे.
शुक्रवारी (दि.1) सकाळी 7 वा. (प्रभाचीवाडी) महागाव ता.मावळ येथे ही घटना उघडकीस आली. निलेश दत्तात्रय कडू (वय 30 रा.सावंतवाडी, महागाव ता.मावळ) असे खून झालेल्या तरुणाचे नाव आहे. मयत निलेश कडू हा भाजप विद्यार्थी आघाडीचा पदाधिकारी होता.
लोणावळा ग्रामीण पोलीस निरीक्षक किशोर धुमाळ यांनी दिलेल्या माहितीनुसार प्रभाचीवाडी महागाव हद्दीत अज्ञात व्यक्तींनी निलेश कडू यांचा दगडाने ठेचून खून करून फरार झाले. ही घटना गुरुवारी (दि.31) रात्री घडली असून शुक्रवारी (दि.1) सकाळी 7 वा. उघडकीस आली आहे.
घटनेची माहिती मिळताच लोणावळा उप विभागीय पोलीस अधिकारी राजेंद्र मायने, पोलीस निरीक्षक किशोर धुमाळ व पोलीस अंमलदारांनी धाव घेऊ मृतदेहाचा पंचनामा केला. मृतदेह शवविच्छेदन करण्यासाठी रवाना केला. काही संशयितांना ताब्यात घेतले आहे.
खुनातील आरोपींना लवकरच अटक करण्यात येणार असल्याचे सांगितले. या गुन्ह्याचा तपास सहाय्यक पोलीस निरीक्षक प्रशांत आवारे करत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महायुतीचा मुख्यमंत्री होण्यासाठीच भाजपाचे कार्यकर्ते काम करतील ; सुनिल शेळके यांनी व्यक्त केला विश्वास
– पक्के ड्रायव्हिंग लायसन्स पाहिजे? आरटीओकडून नोव्हेंबर दौऱ्याचे वेळापत्रक जाहीर, पाहा आवश्यक कागदपत्रे
– बापूसाहेब भेगडे हे मावळातील जनतेचे उमेदवार, त्यामुळे परिवर्तन अटळ – रामदास काकडे
