Dainik Maval News : गहुंजे स्टेडियमवर शुक्रवारी (दि.31) भारत आणि इंग्लंड यांच्या चौथा टी20 सामना झाला होता. या सामन्याच्या तिकीटांचा काळा बाजार झाल्याची माहिती समोर आली आहे. याप्रकरणी तिघांना अटक करण्यात आली आहे. पोलिसांनी सामन्याच्या दिवशीच सायंकाळी सहाच्या सुमारास मामुर्डी येथे ही कारवाई केली.
अर्जुन शशिकांत सप्पागुरु (वय 22, रा. देहूरोड), रवींद्र मनोहर बनसोडे (वय 27, रा. मामुर्डी, पुणे. मूळ रा. धाराशिव), राहुल राजू कानडे (वय 24, रा. देहूरोड) अशी अटक केलेल्या आरोपींची नावे आहेत. याप्रकरणी पोलीस अंमलदार सुनील शिरसाट यांनी देहूरोड पोलीस ठाण्यात फिर्याद दिली आहे.
- पोलिसांनी दिलेल्या माहितीनुसार, 31 जानेवारी रोजी भारत विरुद्ध इंग्लंड क्रिकेट सामना गहुंजे येथील महाराष्ट्र क्रिकेट असोसिएशनच्या मैदानावर झाला. या मॅचसाठी एका प्रकारातील 2 हजार 647 रुपये तिकीट होते. या दराची तिकिटे आरोपींनी खरेदी केली. तीच तिकिटे त्यांनी ब्लॅकने सहा हजार रुपयांना विकली.
याबाबत पिंपरी-चिंचवड क्राईम ब्रांचच्या अनैतिक मानवी वाहतूक प्रतिबंधक कक्षाला माहिती मिळाली असता पोलिसांनी तिघांना अटक केली. देहूरोड पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– दुचाकी, चारचाकी वाहनांचे पक्के ड्रायव्हिंग लायसन्स पाहिजे? आरटीओकडून फेब्रुवारीचे वेळापत्रक जाहीर, पाहा आवश्यक कागदपत्रे
– पुणे जिल्हा नियोजन समितीची बैठक संपन्न ; 1 हजार 299 कोटींच्या प्रारूप आराखड्यास व 753 कोटींच्या अतिरिक्त मागणीस मान्यता
– तळेगाव शहर हादरले ! भरदिवसा गर्दीच्या ठिकाणी युवकाची हत्या । Murder in Talegaon Dabhade City
