Dainik Maval News : विधानसभा निवडणूक काळात पैशाचा गैरवापर होऊ नये यासाठी पोलीस प्रशासन व आयकर विभाग बारीक लक्ष ठेवून असते. सध्या सुरु असलेल्या विधानसभा निवडणूकीच्या पार्श्वभूमीवर आचारसंहिता लागू असून याकाळात अवैधरित्या रोख रक्कमेची वाहतूक होऊ नये याकरीता पिंपरी चिंचवड पोलीस आयुक्तालय सतर्क आहे.
त्याअनुषंगाने, गुरुवारी (दि.७) सोमाटणे टोल नाका येथे गुन्हे शाखा पथक क्र ५ चे पोलीस उपनिरीक्षक राहुल कोळी आणि त्यांच्या पथकाने अचानक नाकाबंदी दरम्यान वाहन तपासणी केली. तेव्हा वाहन क्रमांक एमएच १४ एच क्यु ८९०० या वाहनातून विजय मारूती मांडुळे (वय २९ वर्षे) व संकेत भाऊ वाडेकर (वय २३ वर्षे) हे प्रवास करीत असताना त्यांच्या ताब्यातून २ लाख रूपये रोख रक्कम ताब्यात घेण्यात आली. रक्कम पुढील कार्यवाहीकरीता निवडणूक भरारी पथकाच्या ताब्यात दिली.
तसेच, गुरुवारी (दि.७) पुन्हा सोमाटणे टोलनाका येथेच तळेगाव दाभाडे पोलीस स्टेशनचे सहाय्यक पोलीस निरिक्षक व स्टॉफने वाहन क्रमांक एमएच १४ एफ एस ९४०० या वाहनातील अक्षय रामादास आटोळे (वय १९, रा. सांगवी) याच्या ताब्यातून ८५,२३० रूपये रोख रक्कम ताब्यात घेऊन पुढील कार्यवाहीकरिता निवडणुक कक्षाकडील भरारी पथकाचे ताब्यात दिली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महाविकासआघाडीचं ठरलं , भाजपाचे ‘ते’ नेते अडचणीत ! बापूसाहेबांसाठी मविआचे कार्यकर्ते सक्रीय, भाजपा कार्यकर्त्यांचा ‘यू टर्न’
– आंदर मावळमध्ये पर्यटन व्यवसाय वाढवून तरुणांकरिता रोजगार निर्मिती करण्यासाठी आपण बांधील : बापूसाहेब भेगडे
– आमदार शेळकेंच्या विकासाचा पुराव्यानिशी पंचनामा करणार : भेगडे । Bapu Bhegade
