Dainik Maval News : तळेगाव-चाकण-शिक्रापूर रस्त्याच्या दुरुस्ती व विस्ताराच्या कामासाठी राज्य शासनाने ५९.७५ कोटी रुपये मंजूर केले आहेत. या रस्त्याच्या दुरुस्तीचे काम डिसेंबर २०२६ पर्यंत पूर्ण केले जाईल, अशी माहिती सार्वजनिक बांधकाम (सार्वजनिक उपक्रम वगळून) राज्यमंत्री इंद्रनील नाईक यांनी विधानपरिषदेत दिली. सदस्य योगेश टिळेकर यांनी या रस्त्याच्या कामासंदर्भात विधानपरिषदेत प्रश्न उपस्थित केला होता.
राज्यमंत्री इंद्रनील नाईक म्हणाले, तळेगाव-चाकण-शिक्रापूर हा राष्ट्रीय महामार्ग ५४८- डी (रा. मा. ५५) कि.मी. ०/०० ते कि.मी. ५३/२०० हा रस्ता रांजणगाव, चाकण, तळेगाव व मुंबई एमआयडीसीतील प्रवासी व औद्योगिक वाहतुकीसाठी अत्यंत महत्त्वाचा आहे.
सर्व अवजड व स्थानिक वाहतूक या लांबीमधून होत असते. एमएसआयडीसी या महामंडळामार्फत तळेगाव-चाकण-शिक्रापूर मार्गही चार पदरी करण्यात येणार असून या प्रकल्पासाठी सध्या निविदा प्रक्रिया सुरू असण्याचे सार्वजनिक बांधकाम राज्यमंत्री इंद्रनील नाईक यांनी सांगितले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळच्या निसर्गाचा विनाश थांबवा ! स्थानिक पर्यावरणमित्रांचे वीज प्रकल्पाविरोधात प्रशासनाला निवेदन ; तीव्र आंदोलनाचा इशारा
– आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप
– गॅस सिलिंडर वाहतूक करणाऱ्या टेम्पो चालकाच्या एका चुकीने ज्ञानेश्वरीने गमावला जीव ; सोमाटणे फाटा येथील मन सुन्न करणारी घटना
