Dainik Maval News : मालमत्ता व पाणीपट्टी कर भरण्यासाठी, ऑनलाइन कर न भरणाऱ्या नागरिकांसाठी व यात्रा काळातील प्रलंबित कामांकरीता दिनांक 31 मार्च अखेरपर्यंत देहू नगरपंचायतीचे कार्यालय शनिवारी कार्यालयीन वेळेत आणि रविवारी एक वाजेपर्यंत सुरू असणार आहे.
यामुळे आता नागरिक शनिवार व रविवारी देखील कर भरणा करू शकतात. त्यामुळे शहरातील थकबाकीदारांनी लवकरात लवकर कर भरावा, असे आवाहन नगरपंचायतीचे मुख्याधिकारी निवेदिता घार्गे यांनी केले आहे.
- देहू नगरपंचायतीकडून मालमत्ता कर व पाणीपट्टी भरण्यासाठी ऑनलाइन बिले वाटप करण्यात आली होती. वेळेत कर भरणाऱ्या नागरिकांना एक टक्का सवलत आणि लकी ड्रॉ द्वारे गृहोपयोगी वस्तूंचे वाटप करण्यात आले.
मात्र अद्याप काही नागरिकांनी मागील थकबाकी भरलेली नाही. अशा नागरिकांना वारंवार सूचना, नोटीस बजावून, दारांपुढे ढोल वाजवून आणि चौका चौकामध्ये वार्ड निहाय थकबाकीदारांच्या नावाची यादीचे फलक लावण्यात आले होते.
काही थकबाकीदार नागरिकांनी कर थकबाकी न भरल्याने शासनाच्या आदेशान्वये थकबाकीदारांचे मालमत्ताना सील करून जप्त करण्यात येणार आहे. चालू आर्थिक वर्षातील मिळकत कर आणि पाणीपट्टी थकबाकीदारांच्या दारापुढे ढोल वाजून थकबाकी वसुल केली जाणार आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळात ‘पुष्पा’चा कंटेनर पकडला ; शिरगावजवळ कोट्यवधीचे रक्त चंदन जप्त, आंतरराष्ट्रीय तस्करी रॅकेटचा पर्दाफाश
– संत तुकाराम साखर कारखान्याच्या निवडणुकीचे बिगूल वाजले ! आजपासून निवडणूक प्रक्रिया सुरू – वाचा सविस्तर
– दिलासादायक : तळेगाव-चाकण-शिक्रापूर परिसरातील वाहतूक कोंडी सुटणार, विकास प्रकल्पांसाठी राज्य सरकार सकारात्मक
