Dainik Maval News : मावळ मतदारसंघातील असंख्य प्रवासी लोकल ट्रेन हेच प्रमुख प्रवासाचे साधन म्हणून वापरतात. लोकल ट्रेन सेवा ही सर्वसामान्यांसाठी अतिशय सोयीस्कर आणि परवडणारी सार्वजनिक वाहतूक सुविधा आहे. सध्या पुणे-लोणावळा या मार्गावरील स्थानिक ट्रेन सेवा कमाल गर्दीच्या वेळेत ओसंडून वाहत असते, यामुळे हजारो प्रवाशांना गैरसोय होत आहे.
त्यामुळे सकाळी 7 ते 10 वा. आणि सायं. 6 ते 9 वा. या गर्दीच्या वेळेच्या दरम्यान या मार्गावरील पुणे, शिवाजीनगर, चिंचवड, देहूरोड, तळेगाव, कामशेत आणि लोणावळा यांचा समावेश असणा-या महत्त्वाच्या स्थानकांवर थांबणाऱ्या जलद लोकल ट्रेन चालवल्या जाव्यात, अशा मागणीचे निवेदन मावळ लोकसभा खासदार श्रीरंग बारणे यांना तळेगाव दाभाडे शिवसेना शहर प्रमुख देव खरटमल यांनी दिले.
निवेदनात पुढे म्हटले आहे की, सध्या कार्यान्वित असणाऱ्या लोकल ट्रेन व्यतिरिक ह्या ट्रेन सुरु कराव्यात. या सेवेमुळे प्रवासाचा वेळ मोठ्या प्रमाणात वाचेल रस्त्यावरील वाहतूक कोंडी कमी होईल आणि पर्यावरणीय प्रदूषणाला आळा बसेल. याशिवाय, ही सेवा प्रादेशिक गुणवत्ता सुधारण्यासाठी आणि या क्षेत्राचा आर्थिक विकास गतीमान करण्यासाठी महत्त्वाची भूमिका असेल.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळ तालुका कृषी उत्पन्न बाजार समितीच्या नवीन कार्यालयाचे बांधकाम पूर्ण ; लवकरच भव्य सोहळ्यासह होणार लोकार्पण
– श्रीक्षेत्र भंडारा डोंगरावर माघ शुद्ध दशमीच्या निमित्ताने अखंड हरिनाम सप्ताह आणि गाथा पारायण सोहळ्याचे आयोजन
– पुणे जिल्हा निवड चाचणी कुस्ती स्पर्धेत मावळातील सात मल्लांनी पटकाविली पदके ; तीन पैलवानांची ‘महाराष्ट्र केसरी’साठी निवड
