Dainik Maval News : लोणावळा शहरात सातत्याने होत असलेली वाहतूक कोंडी सोडविण्यासाठी नगरपरिषद परिक्षेत्रातील हॉटेल सेंटर पॉईट ते खंडाळा येथील राजमाची गार्डन पर्यंतचा राष्ट्रीय महामार्ग क्रमांक 48 याचे रुंदीकरण लवकरात लवकर करण्यात यावे, अशी मागणी माजी नगराध्यक्षा सुरेखा जाधव आणि शहर भाजपाच्या वतीने केंद्रीय रस्ते वाहतूक आणि महामार्ग मंत्री नितीन गडकरी यांच्याकडे निवेदनाद्वारे करण्यात आली आहे.
केंद्रीय मंत्री नितीन गडकरी हे काही कामानिमित्त लोणावळा शहरात आले असता त्यांची भेट घेत सुरेखा जाधव आणि माजी उपनगराध्यक्ष श्रीधर पुजारी यांनी वरील मागणी केली. यावेळी समीर इंगळे, अनिल गायकवाड, देवराम लोखंडे व अनिल खिलारे उपस्थित होते.
लोणावळा शहर हे थंड हवेचे ठिकाण म्हणून जगप्रसिध्द असल्यामुळे पर्यटकांची मोठ्या प्रमाणावर गर्दी शहरात होते. असंख्य पर्यटक भेट देत असल्यामुळे शहरात वाहतूकीचा खोळंबा होणे, तासनतास ट्रॅफिक जाम होणे यामुळे शहराच्या पर्यटनावर आधारित अर्थव्यवस्थेवर विपरीत परिणाम होत आहे. भविष्यात पर्यटकांच्या संख्येत वाढ होणार असल्यामुळे शहरातील ट्रफिक समस्या व राष्ट्रीय महामार्गावरील वाहतूकीची कोंडी ही परिस्थिती भयावह असणार आहे.
त्यामुळे यावर तातडीने उपाय योजना करणे आवश्यक असून नगरपरिषद परिक्षेत्रातील वलवण येथील हॉटेल सेंटर पॉईट ते खंडाळा येथील राजमाची गार्डन पर्यंतचा राष्ट्रीय महामार्ग क्रमांक 48 रुंदीकरण लवकरात लवकर केल्यास कायमस्वरुपी महामार्गावरील वाहतूकीची कोंडी सुटेल, असे निवेदन गडकरी यांना देण्यात आले आहे. यावर गडकरी यांनी सकारात्मक प्रतिसाद दिला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
