Dainik Maval News : देहू परिसरात मोठ्या प्रमाणात विनापरवाना अनधिकृतपणे रेखांकन करण्यात आले असल्याची माहिती समोर आली आहे. यापैकी अनेक गट हे शेती विकसित असून अनेक गटामधील क्षेत्र हे अम्युनेशन डेपोच्या प्रतिबंधित (रेडझोन बाधित) क्षेत्र होत आहेत. सदरचे अनधिकृत भूखंड व त्यावरील बांधकामे यावर भविष्यात महाराष्ट्र प्रादेशिक नगर रचना अधिनियम नुसार करावाई होऊ शकते.
देहू नगरपंचायत हद्दीत शेतीझोन व रेडझोन बाधित जागा आहेत. यामध्ये नगरपंचायत प्रशासनाची कोणतीही परवानगी न घेता अनधिकृतपणे रेखांकन करून जमिनीची विक्री होत आहे. नागरिकांनी अशा जमिनी खरेदी करू नयेत किंवा अशा भूखंडावर बांधकामे करण्यात येऊ नये, असे आवाहन नगरपंचायत प्रशासनाने केले आहे.
अनधिकृत प्लॉटिंग मधील भूखंड खरेदी करू नये. त्याचे कुलमुख्यत्यार पत्र, विकसन करारनामा करून ताब्यात घेऊ नये. देहू नगरपंचायत मार्फत दिलेला बांधकाम परवाना, भोगवटा परवाना, अंतिम लेआऊट, तपासल्या शिवाय विनापरवाना अनधिकृत रेखांकनातील भुखंड, शेती प्लॉटचे विकास परवाना मालमत्ता व भूखंडाची खरेदी करू नये, अशा सूचना नागरिकांना देण्यात आल्या आहेत.
तसेच, अशा ठिकाणी विनापरवाना बांधकाम केल्याने नगरपंचायत प्रशासनाला नागरी मूलभूत सुविधा पुरविता येत नाही. तसेच अग्निशमन वाहन, रूग्णवाहिका, कचरा घंटागाड्या अथवा इतर वाहने पोहचविण्यास अडचण निर्माण होते. त्यामुळे ओबडधोबड बांधकामांनी बकालपणा निर्माण होत आहे, असे मुख्याधिकारी निवेदिता घार्गे यांनी सांगितले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
