Dainik Maval News : तळेगाव दाभाडे येथील कुंभारवाडा परिसराचे श्री संत गोरोबाकाका नगर असे नामकरण करण्यात यावे, अशी मागणी स्थानिक कुंभार समाजातील नागरिकांनी मुख्याधिकारी विजयकुमार सरनाईक यांच्याकडे लेखी निवेदन सादर करीत केली आहे.
शुक्रवारी (दि.11) तळेगाव दाभाडे नगरपरिषदेचे मुख्याधिकारी तथा प्रशासकीय अधिकारी विजयकुमार सरनाईक यांची कुंभार समाज बांधवांनी भेट घेतली. सदर भेटी दरम्यान तळेगाव दाभाडे येथील कुंभार वाडा या परिसराचे श्री संत गोरोबाकाका नगर असे नामकरण करण्यात यावे, असे लेखी निवेदन श्री संत गोरोबाकाका सेवा मंडळाचे अध्यक्ष कैलास दरेकर व खजिनदार दिनेश दरेकर यांनी दिले.
सदर निवेदन वाचून याबद्दल लवकरच सकारात्मक निर्णय घेतला जाइल, असे आश्वासन मुख्याधिकाऱ्यांनी दिले. यावेळी निवेदन देताना श्री संत गोरोबाकाका विश्वस्त मंडळाचे पदाधिकारी नामदेव दरेकर, दशरथ दरेकर, गणेश दरेकर, गौरव दरेकर, दिनेश दरेकर, प्रणव दरेकर,अथर्व दरेकर आदी समाज बांधव उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मोठी बातमी ! चेन्नई एक्सप्रेस आणि आणि गदग एक्सप्रेस आता पर्यटननगरी लोणावळा येथेही थांबणार
– मुख्यमंत्री माझी शाळा, सुंदर शाळा अभियानाच्या दुसऱ्या टप्प्यातील विजेत्या शाळांना पारितोषिक वितरण
– प्रसिद्ध मराठी विनोदी अभिनेते अतुल परचुरे यांचे निधन, वयाच्या 57 व्या वर्षी घेतला अखेरचा श्वास । Actor Atul Parchure Died
