Dainik Maval News : माजी राज्यमंत्री संजय उर्फ बाळा विश्वनाथराव भेगडे यांचा मंगळवारी (दि. 31 डिसेंबर) रोजी वाढदिवस होता. त्यामुळे त्यांना शुभेच्छा देण्यासाठी मावळ तालुक्यातील त्यांच्या हजारो समर्थक, कार्यकर्त्यांनी तळेगाव दाभाडे येथील त्यांच्या निवासस्थानी गर्दी केली होती. तसेच राज्यभरातून त्यांच्यावर शुभेच्छांचा वर्षाव करण्यात आला.
बाळा भेगडे यांना मंगळवारी वाढदिवसानिमित्त शुभेच्छा देण्यासाठी त्यांचे तळेगाव दाभाडे शहरातील निवास्थानी मावळ तालुक्यासह जिल्ह्यातून जनसागर लोटला होता. तालुक्यातील कार्यकर्ते व पदाधिकारी यांच्याकडून विविध सांस्कृतिक, सामाजिक, शैक्षणिक, क्रीडास्पर्धांद्वारे बाळाभाऊ भेगडे यांना शुभेच्छा देण्यात आल्या.
सर्वात आधी भेगडे यांनी मंगळवारी वाढदिवसानिमित्त जगद्गुरु संत तुकाराम महाराज मंदिर देहू या ठिकाणी अभिषेक व महापूजा केली. तसेच श्री क्षेत्र भंडारा डोंगर, तळेगाव दाभाडे येथील विठ्ठल मंदिर व डोळसनाथ मंदिर या ठिकाणी दर्शन घेतले. यानंतर त्यांचे निवास्थानी आगमन झाले. त्यानंतर दिवसभर विविध क्षेत्रातील मान्यवरांनी सन्माननीय बाळाभाऊ भेगडे यांना शुभेच्छा दिल्या.
प्रामुख्याने फोनद्वारे महाराष्ट्र राज्याचे मुख्यमंत्री देवेंद्र फडणवीस, महसूलमंत्री नामदार चंद्रशेखर बावनकुळे, तसेच आमदार भीमराव तापकीर आदी दिग्गज नेत्यांनी तसेच तालुक्यातील विविध राजकीय प्रतिनिधींनी प्रत्यक्ष भेटून शुभेच्छा दिल्या.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अनाधिकृत नळजोड धारकाला वीस हजाराचा दंड, उघड्यावर कचरा टाकल्यास एक हजाराचा दंड, नगरपंचायतीचा निर्णय । Dehu News
– कचऱ्यातील नारळापासून कोकोपीट खताची निर्मिती ; तळेगाव नगरपरिषदेचा पर्यावरणपूरक उपक्रम । Talegaon Dabhade
– चौकाचौकात वाहतूक कोंडी ! वाहतूक कोंडीमुळे पर्यटकांसह मावळातील स्थानिक नागरिक त्रस्त । Maval News
