Dainik Maval News : भारतात व्यावसायिक एलपीजी गॅसच्या दरात पुन्हा मोठा वाढ झाली आहे. मध्य पूर्वेत सुरू असलेल्या युद्धाच्या पार्श्वभूमीवर भारतात एलपीजी गॅसची टंचाई सदृश्य परिस्थिती निर्माण होत असल्याचे बोलले जात आहे. सरकारकडून ही बाब नाकारली जात असली तरीही एलपीजी गॅसच्या किंमतीत वाढ झाल्याने नागरिकांना आता आर्थिक झळ सोसावी लागणार आहे. बुधवारी (1 एप्रिल) व्यावसायिक एलपीजीच्या दरात 195.50 रुपयाने वाढ झाली आहे. दरम्यान, घरगुती सिलिंडरच्या दरात कोणतीही वाढ झालेली नाही.
पीटीआय या वृत्तसंस्थेनुसार, दिल्लीत 19 किलोग्रॅमच्या व्यावसायिक एलपीजी सिलिंडरसाठी आता 2,078.50 रुपये मोजावे लागतील. ही माहिती सरकारी तेल कंपन्यांनी दिली आहे. यापूर्वी 1 मार्च रोजी 19 किलो सिलिंडरच्या दरात 114.50 रुपयांनी वाढ करण्यात आली होती. आखाती युद्धाच्या पार्श्वभूमीवर आधीच महागाई वाढली असताना आता व्यावसायिकांना सिलेंडरसाठी आणखी पैसे मोजावे लागणार आहेत.
कुठे किती दर ?
दिल्लीतील व्यावसायिक एलपीजी सिलेंडरचे नवे दर 2078.50 रुपये आहेत, जे आधी 1883.00 रुपये इतके होते, त्यानुसार नवे दर आणि जुन्या दरांपेक्षा 195.50 रुपयांनी वाढल्याचे दिसून येत आहे. तसेच मुंबईत व्यावसायिक एलपीजी सिलेंडरचे नवे दर 2031.00 रुपये आहेत, जे आधी 1835.00 रुपये इतके होते, त्यानुसार नवे दर आणि जुन्या दरांपेक्षा 196 रुपयांनी वाढल्याचे दिसून येत आहे. तर कोलकातामध्ये व्यावसायिक एलपीजी सिलेंडरचे नवे दर 2208.00 रुपये आहेत, जे आधी 1990.00 रुपये इतके होते, त्यानुसार नवे दर आणि जुन्या दरांपेक्षा 218 रुपयांनी वाढल्याचे दिसून येत आहे.
त्याचसोबत चेन्नईमध्ये व्यावसायिक एलपीजी सिलेंडरचे नवे दर 2246.50 रुपये आहेत, जे आधी 2043.50 रुपये इतके होते, त्यानुसार नवे दर आणि जुन्या दरांपेक्षा 203 रुपयांनी वाढल्याचे दिसून येत आहे. यावेळी सरकारने व्यावसायिक एलपीजी सिलेंडरच्या दरात लक्षणीय वाढ केली असली तरी घरगुती एलपीजी सिलेंडरच्या दरात कोणताही बदल झालेला नाही.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण
