Dainik Maval News : स्व. अजित दादा पवार यांचे विश्वासू व निकटवर्तीय मानले जाणारे मावळचे आमदार सुनील शेळके यांनी दोन्ही राष्ट्रवादी काँग्रेस पक्षांच्या विलीनीकरणाच्या चर्चांना पुन्हा एकदा सुरूवात केली आहे. दोन्ही राष्ट्रवादी काँग्रेस एकत्र येणे शक्य असल्याचे सांगत अजूनही वेळ गेलेली नाही, असा दावा आमदार सुनील शेळके यांनी केला आहे. याबाबत त्यांनी माध्यमांना आपली प्रतिक्रिया दिली आहे.
राष्ट्रवादी काँग्रेसचे आमदार सुनील शेळके यांनी सुनेत्रावहिनींच्या नेतृत्वात दोन्ही पक्ष एकत्र येणार असतील, तर अजूनही वेळ गेलेली नाही, असे विधान करत राष्ट्रवादी काँग्रेस पक्षांच्या विलीनीकरणाचा सूर लावल्याने पुन्हा एकदा विलीनीकरणाची चर्चा रंगली आहे.
काय म्हणाले आमदार शेळके ?
आ. सुनील शेळके म्हणाले, उपमुख्यमंत्री सुनेत्रा पवार यांचं नेतृत्व जर शरद पवार यांच्या राष्ट्रवादी काँग्रेसमधील नेत्यांना मान्य असेल आणि दोन्ही पक्ष एकत्र आले तर आम्हाला त्याबाबत अभिमानच असेल. आमचा पक्ष मोठा होत असेल तर त्याबाबत सर्वांनी सकारात्मक भूमिका घेणे आवश्यक असल्याचे शेळके म्हणाले.
ज्यांना उपमुख्यमंत्री सुनेत्रा पवार यांचे नेतृत्व ज्यांना मान्य नसेल, ते इतर पक्षांमध्ये प्रवेश करतील. उपमुख्यमंत्री सुनेत्रा पवार यांच्या नेतृत्वाखाली दोन्ही राष्ट्रवादी गट एकत्र येत असतील, तर त्याचा मला आनंद आहे, असे आमदार सुनील शेळके यांनी सांगितले.
उपमुख्यमंत्री सुनेत्रा पवार यांचं नेतृत्व स्वीकारून दोन्ही राष्ट्रवादी एकत्र येत असतील, तर आनंदच आहे, अशा भावना आमदार सुनील शेळके यांनी व्यक्त केल्या.
दरम्यान, राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे यांनी याबाबत आता कोणतीही चर्चा नसून निर्णय घ्यायचे सर्वाधिकार पक्षाच्या अध्यक्षा व उपमुख्यमंत्री सुनेत्रा पवार यांना असल्याचे स्पष्ट केले.
विधानसभा उपाध्यक्ष अण्णा बनसोडे यांनीही याबाबत पुन्हा एकदा सकारात्मक भूमिका व्यक्त केली. ते म्हणाले की, सुनेत्रावहिनींच्या नेतृत्वाखाली जर दोन्ही राष्ट्रवादी काँग्रेस एकत्र आले, तर महाराष्ट्रातील प्रत्येक कार्यकर्त्याला आणि जनतेला मनापासून आनंद होईल. पक्षाचे जिल्हाध्यक्ष, प्रमुख कार्यकर्ते आणि आमदारांची अशीच इच्छा आहे की, सुनेत्रावहिनींच्या नेतृत्वाखाली सर्वांनी एकजुटीने काम करावे.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण
