Ghatkopar Hoarding Collapse : मुंबईतील घाटकोपर इथे पेट्रोलपंपावर महाकाय होर्डिंग कोसळून झालेल्या दुर्घटनेतील मृतांची संख्या 14 वरून आता 16 वर पोहोचली आहे. तर जखमींची संख्या 88 झाली आहे. घाटकोपरमध्ये होर्डिंग दुर्घटनेला 40 तास उलटून गेले असून अद्यापही इथे बचावकार्य सुरु आहे. बचावकार्य सुरू असताना आज (दि. 15 मे) सकाळी आणखी दोन मृतदेह सापडले आहे. त्यामुळे काल 14 असलेली मृतांची संख्या आता 16 वर पोहोचली आहे. अद्यापही काही लोक या होर्डिंगखाली अडकल्याची भीती व्यक्त केली जात आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
घटना घडली तिथे पेट्रोल पंप असल्यामुळे गॅस कटरचा वापर न करता बचावकार्य सुरु आहे. पेट्रोल पंपामुळे काळजी घेऊन बचावकार्यातील पथक काम करत आहे. या घटनेनंतर प्रशासन सतर्क झाले असून मुंबई महानगरात जाहिरात फलक (होर्डिंग) प्रदर्शित करण्यासाठी पालिकेचा परवाना घेतलेला नाही, अशा सर्व प्रकारच्या जाहिरात फलकांवर कारवाई करण्याचे निर्देश पालिका आयुक्त भूषण गगराणी यांनी दिले आहेत. ( Ghatkopar Hoarding Collapse Two more bodies located under debris at hoarding collapse site in Mumbai NDRF official )
Two more bodies located under debris at hoarding collapse site in Mumbai: NDRF official
— Press Trust of India (@PTI_News) May 15, 2024
शासनाकडून मदत जाहीर –
घाटकोपर दुर्घटनेतील मृतांच्या कुटुंबीयांना 5 लाखांची मदत मुख्यमंत्री एकनाथ शिंदे यांनी जाहीर केली असून जखमींना सरकारमार्फत मोफत उपचार केले जाणार असल्याचे त्यांनी सांगितले होते. आता या दुर्घटनेतील जखमींना देखील सरकारकडून मदत जाहीर करण्यात आली आहे. दुर्घटनेमध्ये किरकोळ जखमी झालेल्यांना 50 हजार रुपयांची मदत मिळणार आहे. 60 टक्क्यांपर्यंत अपंगत्व आलेल्यांना 75 हजार रुपये मदत म्हणून सरकार देणार आहे. तर 60 टक्क्यांहून अधिक अपंगत्व आलेल्यांना अडीच लाख रुपये देण्यात येणार आहेत.
अशी घडली दुर्घटना –
घाटकोपरच्या इस्टर्न एक्स्प्रेस हायवेलगत पोलिस ग्राऊंडच्या शेजारी असलेल्या पेट्रोल पंपावर सोमवारी (दि. 13 मे) सायंकाळी साडेचारच्या सुमारास अचानक मोठे होर्डिंग कोसळले. वादळी वाऱ्यासह पडणाऱ्या मुसळधार पावसामुळे हे होर्डिंग कोसळले. मुसळधार पावसामुळे पेट्रोल पंपाच्या आडोशाला अनेक जण आपली वाहने घेऊन उभे होते. तर काही वाहन चालक याठिकाणी पेट्रोल, डिझेल आणि सीएनजी गॅस भरण्यासाठी आले होते. अशामध्ये अचानक पेट्रोल पंपावर होर्डिंग कोसळल्यामुळे हे सर्वजण त्याखाली दबले गेले.
अधिक वाचा –
– शिलाटणे येथे वादळी वाऱ्यामुळे घरांचे पत्रे उडाल्याने नागरिकांची तारांबळ, कार्ल्यात चारचाकी वाहनाचे झाले नुकसान
– नायगावमधील युवकाचा कामशेत येथे इंद्रायणी नदीत बुडून मृत्यू, परिसरात पसरली शोककळा । Maval News
– पुणे जिल्ह्यातील 3 लोकसभा मतदारसंघात सोमवारी शांततेत मतदान ! वाचा विधानसभा निहाय मतदानाची आकडेवारी । Pune News
