संकल्प शिक्षण प्रसारक मंडळ संचलित संकल्प इंग्लिश स्कूलमध्ये क्रांतीज्योती सावित्रीबाई फुले यांच्या जयंती दिनानिमित्त बालिका दिन अत्यंत उत्साहात साजरा करण्यात आला. यावेळी कार्यक्रमाच्या अध्यक्षस्थानी संकल्प शिक्षण प्रसारक मंडळाचे संस्थापक सचिव लक्ष्मण भालेराव उपस्थित होते. त्याचप्रमाणे कार्यक्रमासाठी मंडळाचे संचालक डॉ. संजय चौधरी, युवा उद्योजक शक्तिसिंग जव्हेरी, शाळेचे मुख्याध्यापक राहुल सोनवणे आदी मान्यवर उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
यावेळी विद्यार्थ्यांनी विविध कलागुणांचे सादरीकरण केले. त्यात झाशीची राणी, महाराणी येसुबाई, क्रांतीज्योती सावित्रीबाई फुले, सिंधुताई सकपाळ, प्रतिभाताई पाटील अशा विविध कर्तृत्ववान आणि आदर्शवत स्त्रियांच्या भुमिका सादर केल्या. विद्यार्थ्यांनी स्त्रिभ्रूण हत्येवर आधारित एक नाटिका देखिल सादर केली. यावेळी नीता कालेकर, सोनल गांधी, बाळू कदम, कैलास येवले, मीनाक्षी शिवणेकर, प्रियांका येवले, आशा बोरकर, मोना गांधी आदी शिक्षकांनी कार्यक्रमासाठी मेहनत घेतली. सूत्रसंचालन तनुष्का सोनवणे आणि अनुजा यादव यांनी केले. तर आभार साई कालेकर यांनी मानले. ( Girls Day Balika Din celebrated at Sankalp English School Pavanagar Maval )
अधिक वाचा –
– किल्ले तुंग दुर्गसंवर्धन प्रकल्पासाठी राज्य पुरातत्व विभागाकडून 1 कोटी 56 लाख निधी मंजूर । Tung Fort
– आमदार सुनिल शेळके यांच्या हस्ते बहुउद्देशीय मोरया दिनदर्शिका 2024 चे प्रकाशन । Vadgaon Maval
– शिवसेना शिंदे गट फुंकणार मावळ लोकसभेचे रणशिंग? मुख्यमंत्री एकनाथ शिंदेंची शनिवारी मतदारसंघात जाहीर सभा
