Dainik Maval News : आजवर ग्रामीण भागात आजारांवर उपचार करणारी रुग्णवाहिका जशी येत होती, त्याच धर्तीवर ग्रामीण भागातील विद्यार्थ्यांना विज्ञानाचे धडे देण्यासाठी चालती-फिरती प्रयोगशाळा असणारी बस आता थेट गावागावांत पोहचणार आहे.
अशोक सिंघल मेमोरियल ट्रस्ट, मुंबई यांच्या ग्रामदूत प्रकल्पांतर्गत बौर (ता. मावळ) येथे ‘नॉलेज ऑन व्हील्स’ या खास बसचे नुकतेच लोकार्पण करण्यात आले. या बसच्या माध्यमातून पवन मावळ परिसरातील ११ शाळांमधील ९५६ विद्यार्थ्यांमध्ये वैज्ञानिक दृष्टिकोन विकसित होण्यास मदत होणार आहे.
मुख्याध्यापक नामदेव गाभणे यांच्या अध्यक्षतेखाली हा लोकार्पण सोहळा संपन्न झाला. सूरज देसाई, महेंद्र असवले, माजी सरपंच शंकर शिंदे, राजेश गायकवाड यांच्या हस्ते ‘नॉलेज ऑन व्हील्स बस’चे लोकार्पण करण्यात आले. याप्रसंगी विक्रम बाफना, नवनाथ ठाकर, सुवर्णा दाभाडे, कल्पना देशमुख, मरिबा घोलप, पूजा राऊत, सुनिल पवार, वैशाली ओव्हाळ, संजय ओव्हाळ, राजेंद्र कढरे, उत्तम माने, भाऊसाहेब खोसे, रविंद्र शेळके, मनोहर खुणे, रमेश अरगडे, स्वाती म्हस्के, अंकुश येवले आदी उपस्थित होते.
प्रकल्प प्रमुख माणिक गवळी यांनी उपस्थितांचे स्वागत केले. अमित मगर यांनी प्रास्ताविकातून ग्रामदूत प्रकल्पाचा उद्देश स्पष्ट करत ‘नॉलेज ऑन व्हील्स बस’ ही विद्यार्थ्यांच्या जिज्ञासेला चालना देणारी चालती प्रयोगशाळा असल्याचे सांगितले. सोनम राणे यांनी कार्यक्रमाचे सूत्रसंचालन केले, तर राजू भेगडे यांनी आभार मानले. उपक्रम यशस्वी करण्यासाठी आयुर्व घोटमारे, कांचन राळे, मोनाली डबके, रेश्मा गायकवाड, नलिमा पिंगळे, पूजा जाधव, लहू वाडेकर, नवनाथ घनवट, विकास शिंदे यांनी परिश्रम घेतले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– विद्यार्थ्यांसाठी शासनाच्या अनेक योजना, सर्व शाळांमध्ये प्रमुख योजनांची माहिती देणारे फलक प्रदर्शित केले जावे – शालेय शिक्षण मंत्री
– ड्रग्सच्या साखळीत सहभागी असणाऱ्यांवर मकोका अंतर्गत कारवाई , संबंधितांची मालमत्ता जप्त केली जाणार – मुख्यमंत्री
– श्रीक्षेत्र देहू येथे संत तुकाराम महाराज बीज सोहळ्यानिमित्त पाणी वापराबाबत प्रतिबंधात्मक आदेश लागू
– तळेगाव दाभाडेतील नागरिकांचे ‘हक्काच्या घराचे स्वप्न’ होणार साकार ; आमदार सुनील शेळके यांच्या पाठपुराव्याला मोठे यश
