Dainik Maval News : पवना धरणग्रस्ताचे प्रश्न अनेक वर्षापासून प्रलंबित आहे शासनाने धरणग्रस्ताचे पुनर्वसन, गावठाण दर्जा, पायाभुत नागरी सुविधा, अदी सुविधाची मागणी धरणग्रस्तांकडून सुरू आहे. नुकतेच 2आक्टोबर रोजी धरणग्रस्तांच्यावतीने जलसमाधी आंदोलन पुकारण्यात आले होते.
आंदोलनाच्या आदल्या दिवशी मुख्यमंत्री देवेंद्र फडणवीस यांनी संघटनेचे पदाधिकारी यांच्याशी दूरध्वनीवरून संपर्क करून लवकरच पुनर्वसन प्रश्न सोडविण्यासाठी बैठक घेऊन विषय मार्गी लावू असे आश्वासन दिले, व 15 दिवसांत बैठक लावण्याचे लेखी आश्वासन धरणग्रस्तांना दिले होते. या घटनेला एक महिना झाला पदवीधर व शिक्षक मतदारसंघाच्या निवडणूक आचारसंहिता असल्याने विलंब झाल्याचे कळविण्यात आले होते.
पवना धरणाच्या मजबुतीकरण करण्याच्या अनुषंगाने काल (दि.1) केंद्र स्तरीय पाहणी समिती पवना धरण सुरक्षा भिंतीच्या कामाची पाहणी करण्यासाठी आली असता, पवना धरणग्रस्त संयुक्त संघटनेच्यावतीने संबंधित अधिकाऱ्यांना भेटून आपल्या समस्या त्यांच्यासमोर मांडून आमचे प्रश्नांची सोडवणूक केल्याशिवाय आम्ही पवना धरणाचे मजबुतीकरण, पवना धरण परिसरातील क्षेत्र भाडेतत्त्वावरील ई निविदा रद्द करावी तसेच इतर अन्य प्रकल्प करु नये, अन्यथा होणाऱ्या परिणामाला शासन जबाबदार राहील, असा स्पष्ट इशारा यावेळी संघटनेच्यावतीने देण्यात आला.
यावेळी पवना धरणग्रस्त संयुक्त संघटनेचे अध्यक्ष नारायण बोडके बाळासाहेब मोहोळ, दत्तात्रय ठाकर,राम कालेकर, संजय मोहोळ, मारुती दळवी, सुधीर घरदाळे , लक्ष्मण भालेराव,नारायण कालेकर, अनंता वर्वे, रमेश कालेकर आदी उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा
– दुष्काळग्रस्त तालुक्यांच्या यादीत मावळ, मुळशीचा समावेश करावा; पुणे जिल्हा परिषदेत ठराव एकमताने मंजूर
– कामशेत पोलिसांची तत्पर कामगिरी! हरवलेल्या चार अल्पवयीन बालकांचा अवघ्या तीन तासांत शोध ; पालकांच्या स्वाधीन
– वडगाव मावळमध्ये शुक्रवारपासून दिवसाआड पाणीपुरवठा ; पाणीसाठ्याचे नियोजन करण्यासाठी नगरपंचायतीचा निर्णय
– पक्ष नेतृत्वाच्या बदनामीकारक पोस्टना प्रतिक्रिया देऊ नये ; “सोशल मीडियावर निरर्थक वाद नको” – गणेश खांडगे
