Dainik Maval News : देशाचा अमृत महोत्सव अंतर्गत शासनाच्या वतीने राबवण्यात येणाऱ्या ‘हर घर तिरंगा’ अभियानाला पवनानगर येथे सुरुवात झाली आहे. स्वातंत्र्यदिनाचे औचित्य साधून राष्ट्राभिमान जागृती आणि देशाच्या गौरवासाठी प्रत्येक नागरिकाने आपल्या घरावर दिनांक 9 ऑगस्ट ते 15 ऑगस्ट दरम्यान तिरंगा ध्वज फडकविण्याबाबत शासकीय परिपत्रकाद्वारे सुचित केले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
त्याच अनुषंगाने पवनानगर येथील पवना विद्या मंदिर, संकल्प इंग्लिश मीडियम स्कूल, जिल्हा परिषद प्राथमिक शाळा व सरुबाई पांडुरंग दळवी ज्युनिअर कॉलेजच्या वतीने हर घर तिरंगा उपक्रमाबाबत जनजागृती व्हावी, या उद्देशाने तिरंगा रॅली काढत प्रभातफेरीचे आयोजन केले होते. विद्यालयातील विद्यार्थ्यांनी हर घर तिरंगा, घर घर तिरंगा, भारत माता की जय, जय जवान जय किसान आदी घोषणा देत शाळा ते पवनानगर बाजारपेठेत प्रभातफेरी काढत घरांवर तिरंगा ध्वज फडकविण्याबाबत जनजागृती केली. ( Har Ghar Tiranga Abhiyan Students rally at Pavananagar Maval )
यावेळी पवना संकुलाचे प्राचार्य भाऊसाहेब आगळमे, संकल्प स्कुलचे प्राचार्य राहूल सोनावणे, सरुबाई दळवी, कॉलेजचे प्राचार्य अध्यापक दत्तात्रय कराळे यांच्या मार्गदर्शनाखाली तिरंगा रॅलीचे नियोजन केले होते. यावेळी जेष्ठ राजकुमार वरघडे, गणेश ठोंबरे, छाया करडिले, प्रियांका येवले, विजय वरघडे, ज्योती कोंडभर, भारत काळे, नीता कालेकर, बाळू कदम, सुरेखा कालेकर, संदीप मोहोळ, शीतल शिर्के यांसह शिक्षक-शिक्षकेत्तर कर्मचारी उपस्थित होते.
अधिक वाचा –
– कार्ला ग्रामपंचायतीच्या उपसरपंचपदी अभिषेक जाधव बिनविरोध । Karla News
– मावळ तालुक्यात प्रथमच ‘गुरुकुल’ संस्कार वर्गाची स्थापना ; लहान मुलांना मिळणार अध्यात्मिक शिक्षण । Maval News
– रस्त्यांवरील खड्डे बुजवा, वाहतूक कोंडी सोडविण्यासाठी पोलीस तैनात करा, खासदार श्रीरंग बारणेंच्या अधिकाऱ्यांना सूचना । Pimpri-Chinchwad
